Сахидод Раҳматуллозода

Сахидод Раҳматуллозода
Сахидод Раҳматуллозода
Таърихи таваллуд	27 октябр 1964 (60 сол)
Зодгоҳ	ноҳияи Қубодиён
Фазои илмӣ	филология
Ҷойҳои кор	Донишгоҳи давлатии омӯзгории Тоҷикистон ба номи Садриддин Айнӣ, Кумитаи забон ва истилоҳоти назди Ҳукумати Ҷумҳурии Тоҷикистон
Дараҷаи илмӣ:	доктори илмҳои филология
Унвонҳои илмӣ	профессор
Алма-матер	Донишгоҳи давлатии Тоҷикистон ба номи В. И. Ленин
Ҷоизаҳо	Аълочии маорифи Тоҷикистон (2010)

Дар Википедия мақолаҳо дар бораи дигар шахсон бо номи Сахидод мебошанд.

Дар Википедия мақолаҳо дар бораи дигар шахсон бо насаби Раҳматуллозода мебошанд.

Сахидод Раҳматуллозода (зод. 27 октябри 1964, деҳаи Қизилиттифоқ, ноҳияи Қубодиён) — забоншиноси тоҷик, доктори илмҳои филология, профессор, узви вобастаи АМИТ^[1].

Зиндагинома

Сахидод Раҳматуллозода 27 октябри 1964 дар деҳаи Қизилиттифоқи ноҳияи Қубодиён ба дунё омадааст^[2]. Солҳои 1972—1982 дар мактаби № 37 ноҳияи Қубодиён таҳсил кардааст. Форуғуттаҳсили факултети филологияи тоҷики Донишгоҳи давлатии Тоҷикистон аст. Дар солҳои 1984—1986 дар Артиши Шӯравӣ хидмати низомӣ кардааст

Корнома

Дар солҳои 1989—1991 лаборанти шуъбаи шевашиносии Институти забон ва адабиёти ба номи Рӯдакии АИ ҶТ, солҳои 1991—1994 аспирант, солҳои 1994—1998 ходими хурди илмӣ ва дар солҳои 1998—2003 ходими илмӣ, ходими калони илмии шуъбаи шевашиносии Институти забон ва адабиёт кор кардааст. Солҳои 2003—2005 муҳаррири маҷаллаи «Бойчечак» буд.

Соли 2005 як муддат ёрдамчии ректори Донишгоҳи давлатии омӯзгории Тоҷикистон ба номи Садриддин Айнӣ, солҳои 2005—2008 муовини ректор доир ба тарбия, солҳои 2008—2010 мудири кафедраи забони тоҷикӣ, солҳои 2010—2012 декани факултети филологияи тоҷик, солҳои 2012—2013 дар рухсати эҷодӣ, солҳои 2013—2015 мудири кафедраи забони тоҷикии факултети филологияи тоҷики Донишгоҳи давлатии омӯзгории Тоҷикистон ба номи Садриддин Айнӣ, дар солҳои 2015—2019 директори Институти забону адабиёти Рӯдакӣ ва дар солҳои 2019—2020 профессори кафедраи назария ва амалияи забоншиносии Донишгоҳи давлатии омӯзгории Тоҷикистон ба номи Садриддин Айнӣ буд.

Аз соли 2022 вазифаи муовини раиси Кумитаи забон ва истилоҳоти назди Ҳукумати Ҷумҳурии Тоҷикистонро бар уҳда дорад^[3].

Сахидод Раҳматуллозода яке аз мураттибони асосии «Энсиклопедияи Донишгоҳи омӯзгории Тоҷикистон» ба шумор меравад.

Ҷоизаҳо

«Аълочии маорифи Тоҷикистон» (2010),
«Аълочии фарҳанги Тоҷикистон»

Пайвандҳо

Энсиклопедияи Донишгоҳи давлатии омӯзгории Тоҷикистон ба номи С. Айнӣ

Эзоҳ

↑ Ш. Ёраҳматзода. Марде дар арсаи талошҳо. anrt.tj. АМИТ. 2 феврали 2023 санҷида шуд.(пайванди дастнорас)
↑ Раҳматуллозода Сахидод Раҳматуллоевич. www.iza.tj. 2 феврали 2023 санҷида шуд. Баргирифта аз сарчашмаи аввал 30 май 2023.
↑ Раҳматуллозода Сахидод Раҳматулло. www.kumitaizabon.tj. Кумитаи забон ва истилоҳоти назди Ҳукумати Ҷумҳурии Тоҷикистон. 2 феврали 2023 санҷида шуд. Баргирифта аз сарчашмаи аввал 28 Январ 2023.

[1] Ш. Ёраҳматзода. Марде дар арсаи талошҳо. anrt.tj. АМИТ. 2 феврали 2023 санҷида шуд.(пайванди дастнорас)

[2] Раҳматуллозода Сахидод Раҳматуллоевич. www.iza.tj. 2 феврали 2023 санҷида шуд. Баргирифта аз сарчашмаи аввал 30 май 2023.

[3] Раҳматуллозода Сахидод Раҳматулло. www.kumitaizabon.tj. Кумитаи забон ва истилоҳоти назди Ҳукумати Ҷумҳурии Тоҷикистон. 2 феврали 2023 санҷида шуд. Баргирифта аз сарчашмаи аввал 28 Январ 2023.

[1]

[2]

[3]