Солики Қазвинӣ
Муҳаммадиброҳим Солики Қазвинӣ (форсӣ: محمدابراهیم سالک قزوینی; 1612[1] — ?) — шоири форс-тоҷик.
Зиндагинома[вироиш | вироиши манбаъ]
Солики Қазвинӣ аз мардуми Қазвин буда, дар ҷавонӣ муддате дар Исфаҳон зистааст. Солики Қазвинӣ аз Исфаҳон ба Ҳиндустон сафар карда, бо Абутолиби Калим ва Муҳаммадҷони Қудсӣ, ки аз шоирони номдори он давр буданд, мусоҳиб гардидааст. Сипас ба Эрон баргашт, вале аз сабаби ғорат гардидани молу мулкаш боз ба Ҳиндустон рафт ва сокини Кашмир шуд. Маснавие аз саргузашти пурмоҷарои худ таълиф кардааст. Солики Қазвинӣ дар айёми пиронсолӣ ба зодгоҳаш баргашта, дар Қазвин вафот кардааст. Солики Қазвинӣ шоири хушгуфтор ва рангинбаён буда, аз эҷодиёташ куллиёте мерос мондааст, ки дорои 25000 байт аст.
Эзоҳ[вироиш | вироиши манбаъ]
- ↑ سالک قزوینی، محمدابراهیم - ویکینور، دانشنامهٔ تخصصی(форсӣ). fa.wikinoor.ir. 20 июни 2024 санҷида шуд.
Адабиёт[вироиш | вироиши манбаъ]
- Солики Қазвинӣ / А. Ғаффоров // Сақофӣ — Ховалинг. — Д. : СИЭСТ, 1987. — (Энциклопедияи Советии Тоҷик : [дар 8 ҷ.] / сармуҳаррир М. Д. Диноршоев ; 1978—1988, ҷ. 7).