Толибҷон Ҳобилов

Мавод аз Википедиа — донишномаи озод
Jump to navigation Jump to search
Толибҷон Ҳобилов
Толибҷон Қодирович Ҳобилов
Санаи таваллуд:

9 май 1953(1953-05-09) (66 сол)

Зодгоҳ:

Конибодом, ҶШС Тоҷикистон СССР

Мамлакат:

 Тоҷикистон

Фазои илмӣ:

биология

Дараҷаи илмӣ:

доктори илмҳои биология

Унвонҳои илмӣ:

профессор

Алма-матер:

Университети давлатии ш. Ленинград

Толибҷон Қодирович Ҳобилов (09.05.1953, ш. Конибодом), доктори илмҳои биологӣ (1993), профессор (1994).

Зиндагинома[вироиш]

Толибҷон Қодирович Ҳобилов факултаи биологияи Университети давлатии ш. Ленинградро (ҳоло ш. Санкт-Петербург) соли 1975 хатм карда, фаъолияти меҳнатиаш пурра дар Донишгоҳи давлатии Хуҷанд ба номи академик Бобоҷон Ғафуров гузаштааст. Дар ин боргоҳи илму маърифат вазифаҳои сарлаборант, муаллим, сармуаллим, дотсенти кафедраи зоология (1975-1983), мудири ҳамин кафедра (1984-1995), ноиби ректор оид ба илм (1995-2001), ноиби ректор оид ба таълим (2001-2010) иҷро кардааст. Аз соли 2010 директори Пажӯҳишгоҳи илмҳои табиатшиносии ҳамин донишгоҳ мебошад. Муаллифи беш аз сад кори илмӣ, илмӣ-методӣ ва илмӣ-оммавӣ оид ба масоили мухталифи биология ва экология, рустанӣ ва ҳайвоноти нодиру нестшудаистодаи ҳудуди вилояти Суғд, олами набототу ҳайвоноти Тоҷикистон аст. Қариб чил мақолаи илмиаш дар хориҷи ҷумҳурӣ нашр шудаанд. Дар беш аз бист ҳамоишу конфаронси байналмилалии табиатшиносон (Русия, ИМА, Англия, Бразилия, Мексика, Люксембург, Олмон, Фаронса, Полша, Малайзия, Эрон, Маҷористон, Таиланд, Нидерланд ва дигар давлатҳо) иштироку суханронӣ кардааст.

Осор[вироиш]

  • Фауна Республики Таджикистан. т. ХХ, часть VII. Млекопитающие. Рукокрылые. – Д., 1992;
  • Фауна Республики Таджикистан. т. ХХ, часть VIII. Рукокрылые. – Д., 2003;
  • Аз Қурама то Искандаркӯл. – Х., 2011;
  • Редкие и исчезающие виды растений и животных Согдийской области. – Х., 2012. [1]

Эзоҳ[вироиш]

  1. Арбобони илми тоҷик (асри ХХ-аввали асри ХХI) / Муаллиф-мураттиб Ёрмуҳаммади Сучонӣ. – Душанбе, 2017. – 728 с.