Фаддей Фаддеевич Беллинсгаузен

Мавод аз Википедиа — донишномаи озод
Jump to navigation Jump to search
Фаддей Фаддеевич Беллинсгаузен
олмонӣ: Fabian Gottlieb Thaddeus von Bellingshausen
Сурат
Ном ҳангоми таваллуд

олмонӣ: Fabian Gottlieb Thaddeus von Bellingshausen

Таърихи таваллуд

9 (20) сентябр 1778

Зодгоҳ
Таърихи даргузашт

13 (25) январ 1852 (73 сол)

Маҳалли даргузашт
Кишвар
Пеша

гардишгар, харитакаш, ходими низомӣ

Ҷоизаҳо
Order of St. George, 4th class Order of St. Vladimir, 1st class Order of St. Alexander Nevsky Order of the White Eagle Order of St. Vladimir, 2nd class RUS Imperial Order of Saint Anna ribbon.svg Order of St. Vladimir, 3rd class Order of the Bath Order of Saint Louis
Commons-logo.svg Фаддей Фаддеевич Беллинсгаузен дар Викианбор

Фаддей Фаддеевич Беллинсгаузен (9(20).9. 1978–13(25)1.1852) — баҳрнаварди рус, адмирал (1843). Аз авлоди баронҳои Лифлянд. Хатмкардаи корпуси кадетии баҳрӣ (1797). Солҳои 1803–06 бо киштии «Надежда» таҳти роҳбарии И. Ф. Крузенштерн дар сайёҳати аввалини ҷаҳонии рус иштирок кардааст. Соли 1809 фармондеҳи корвети (киштии ҳарбӣ) Флоти Балтика буд. Соли 1810 дар Баҳри Сиёҳ таҳқиқоти гидрографӣ бурдааст. Солҳои 1819–21 экспедитсияи гирдиҷаҳониро дар киштиҳои «Восток» ва «Мирний», ки ба Антарктида бо мақсади ҳарчи бештар наздик шудан бо қутби Ҷанубӣ ва кашфи ҷаз-ҳои нав равон шуда буд, роҳбарӣ намуд. Соли 1819 дар қисми антарктикии Уқёнуси Атлантик ва Уқёнуси Ором якчанд ҷаз. ва 16 (28) январи 1820 Экспедитсияи баҳрнавардони рус (1819 — 1921) бо роҳбарии Фаддей Фаддеевич Беллинсгаузен ва М. П. Лазарев, ки Антарктидаро кашф намуда, дар бораи мавҷудияти хушкии даруни доираи Қутби Ҷанубӣ маълумоти аввалин дод. Ширкаткунандаи ҷанги Россияю Туркия (1828–1929) буда, дар муҳосира ва ба даст овардани қалъаи Варна корнамоӣ нишон додааст. Соли 1830 сардори дивизияи 2-юми Флоти Балтика, с. 1839 губернатори ҳарбии Кронштадт ва сарфармондеҳи бандари ҳамном буд. Хотираҳои баҳрнавардии худро дар китоби «Таҳқиқи дукарата дар Уқёнуси Яхбастаи Ҷанубӣ ва баҳрпайҶентиле моӣ (шиноварӣ) дар гирди ҷаҳон» (1960) гирд овардааст. Як баҳр дар Антарктида, ҷаз-ҳо дар Уқёнуси Ором ва Атлантика (галаҷазираҳои Туамоту) ба номи Беллинсгаузен гузошта шудаанд. Дар Антарктида 2 пойгоҳи тадқиқоти илмии ИҶШС ба шарафи киштиҳои экспедитсионии Беллинсгаузен ва Лазарев – «Восток» ва «Мирний» номида шудаанд.

Адабиёт[вироиш]

  • Иванов С., Голованов К. Ф. Ф. Беллинсгаузен. М., 1952;
  • Болотников Н. Я., Ф. Ф. Беллинсгаузен и М. П. Лазарев // Русские мореплаватели. М., 1953.

Сарчашма[вироиш]

  • Bell A. Encyclopædia BritannicaEncyclopædia Britannica Inc., 1768. — Vol. 22.
  • 2.0 2.1 Беллинсгаузен Фаддей Фаддеевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.