Фатҳиддин Тешаев

Фатҳиддин Тешаев
Таърихи таваллуд	3 апрел 1961(1961-04-03)
Зодгоҳ	Доробӣ, деҳоти Ҷомбахт, ноҳияи Ховалинг, Вилояти Хатлон
Таърихи даргузашт	12 октябр 1992(1992-10-12) (31 сол)
Маҳалли даргузашт	ноҳияи Кушониён, Вилояти Қурғонтеппа, Тоҷикистон
Пеша(ҳо)	овозхон

Фатҳиддин Тешаев (3 апрел 1961, Доробӣ, ноҳияи Ховалинг — 12 октябр 1992, ноҳияи Кушониён, Вилояти Қурғонтеппа) — овозхони тоҷик. Ҳунарпешаи шоистаи Тоҷикистон (1993).

Зиндагинома

Фатҳиддин Тешаев 3 апрели 1961 дар деҳаи Доробии ноҳияи Ховалинг ба дунё омадааст. Соли 1982 Донишкадаи давлатии санъати ба номи М. Турсунзодаро ба поён оварда, дар н. Бохтар ба ҳайси мудири хонаи маданият, роҳбари бадеии ансамбл, директори Мактаби бачагонаи мусиқӣ фаъолият намудааст. Тӯли ҳунарнамоии кӯтоҳмуддат зиёда аз ҳафтод суруд ба савғо овардааст, ки аз миёни онҳо «Орзу», «Дил рафт зи тан берун», «Таолаллоҳ», «Даврони ту», «Комму­нист», «Ба ноз ба ноз», «Афсӯс», «Туро хоҳам», «Фарёди ишқ», «Лайливу Маҷнун», «То боди сабо», «Булбули шӯрида», «Дуру наздик», «Мемонад ба дил», «Бо ёр», «Нури ду дида», «Дарди ишқ», «Оҳи ота­шин» дар хазинаи Радиои тоҷик маҳфузанд.

Дар борааш филм бо номи «Интизории модар» ба навор бардошта шудааст.

Даргузашт

Фатҳиддин Тешаев 12 октябри соли 1992 бар асари як садамаи нақлиётӣ даргузашт.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.