Яҳё Афзалӣ

Мавод аз Википедиа — донишномаи озод
Jump to navigation Jump to search
Яҳё Афзалӣ
Яҳё Афзалӣ
Таърихи таваллуд: 1893
Зодгоҳ: Самарқанд
Таърихи даргузашт: 1928(1928)
Маҳалли даргузашт: Душанбе
Шаҳрвандӣ:  Тоҷикистон
Ҳизб: Ҳизби коммунисти Тоҷикистон
Навъи фаъолият: Арбоби ҳизби болшевикӣ (коммунисти Тоҷикистон) ва ходими давлатӣ

Яҳё Афзалӣ (1893, гузари Лабиғори ш.Самарқанд – 1928, ш. Душанбе) — яке аз бунёдкорони фаъоли ҳаёти нав дар ҶМШС Тоҷикистон баъд аз инқилоби Бухоро. Арбоби ҳизби болшевикӣ ва ходими давлатӣ. Узви ҳизби болшевикӣ аз соли 1918.

Ҳолнома[вироиш | вироиши манбаъ]

Яҳё Афзалӣ фаъолияти кориашро аз шогирди бофанда, устои гилкор оғоз намудааст. Мактаби усули ҷадидро хатм кардааст (1912). Баъди Инқилоби Октябр ҳаёти худро ба мустаҳкам кардани Ҳокимияти Шӯравӣ бахшидааст. Иштирокчии фаъоли ташкилотҳои ноҳиявӣ ва шаҳрии “Иттифоқ”-и Самарқанд. Яке аз ташаббускорон ва ташкилотчиёни муттаҳид гардонидани коргарони миллати маҳаллии Самарқанд дар атрофи ҳизби болшевикӣ, ташкилкунандаи дастаи Гвардияи Сурхи Самарқанд (1917-1921), муборизи диловари зидди босмачиён дар Ӯротеппа, Хуҷанд, Сулукта, Драгомиров ва Бухорои Шарқӣ (1921-1922). ҷонишини комиссар, котиби райкоми Шаҳринави Самарқанд, раиси комиҷроияи ш.Самарқанд (1921-1925), мудири шӯъбаи агитатсияву пропагандаи Бюрои ташкилии ҶМШС Тоҷикистон дар ҲК (б) Ӯзбекистон (1925-1926), котиби масъули кумитаи вилоятии ҲК (б) дар Ҳисор ва дар айни замон котиби масъули ҳизби болшевикӣ кумитаи шаҳри Сталинобод (1926-1928), узви бюрои кумитаи вилоятии Тоҷикистонии ҲК (б) Ӯзбекистон.

Ҷоизаҳо[вироиш | вироиши манбаъ]

Бо ордени «Ситораи Сурх» ва дигар ҷоизаҳо сарфароз гардонда шудааст.

Некдошт[вироиш | вироиши манбаъ]

Яке аз кӯчаҳои шаҳри Душанбе ба номаш гузошта шудааст.

Манобеъ[вироиш | вироиши манбаъ]

  • Аслҳо ва наслҳо. – Душанбе, 2013, - С.27