Мавод аз Википедиа — донишномаи озод
Ғаффор Абдулло́ев (тав. 1927, деҳаи Деҳкабули ноҳияи Кӯлоб – 1995, ноҳияи Восеъ) — механизатор, Қаҳрамони Меҳнати Сотсиалистӣ (1973).
Хатмкардаи мактаби механизатории хоҷагии қишлоқ (1943). То соли 1949 тракторчӣ, баъд мудири агроқитъа ва аз соли 1963 сардори бригадаи комплексии механизатсиякардашудаи колхози ба номи Ленини ноҳияи Восеъ буд. Аз соли 1990 нафақагири шахсӣ. Бригадаи Абдуллоев солҳои 1971 – 72 аз ҳар га 43 сентнерӣ ҳосили пахта рӯёнидааст. Депутати Совети Олии СССР (даъватҳои 8 – 9).
Бо ордени Ленин, 2 ордени Байрақи Сурхи Меҳнат ва медалҳо сарфароз гардидааст.
