Ҳомбург

Ҳомбург
олмонӣ: Hamburg
Парчам Нишон
53°33′00″ а. шим. 10°00′00″ т. ш.
Кишвар	Олмон
Роҳбар	Peter Tschentscher[d]
Таърих ва ҷуғрофиё
Масоҳат	755.09 км² (31 декабр 2017)
Баландӣ	6 ± 1 м
Вақти минтақавӣ	UTC+1[d] ва UTC+02:00
Аҳолӣ
Аҳолӣ	1,841,179 наф. (30 сентябр 2019)
Шиносаҳои ададӣ
Рамзи ISO 3166-2	DE-HH
Коди телефон	040 ва 04721
Нишонаи почта	20095–21149 ва 22041–22769
Коди мошинҳо	HH
Вебгоҳи расмӣ
Садо, тасвир ва видео дар Викианбор

Ҳомбург (олмонӣ: Hamburg [ˈhambʊɐ̯k], олм. поин Hamborg [ˈhambɔːx]; талаффуз ) — шаҳр дар Олмони Шимолӣ, дар соҳили дарёи Элба ва шохоби он Алстер, 110 км болотар аз резишгоҳи он ба Баҳри Шимолӣ. Аҳолиаш 1,9 млн нафар (2013).

Сеюмин бандари баҳрӣ дар Аврупо (баъди Роттердам ва Антверпен) мебошад. Бандари моҳигирӣ. Маркази калони р. о ва роҳҳои автомобилгард. Фурудгоҳи байналмилалӣ, метрополитен дорад. Алоқаи нақлиётии обии Ҳомбург бо паром (тавасути д. Элба) сурат мегирад.

Таърих

Ҳомбургро соли 808 Карли Бузург ҳамчун қалъаи Ҳаммабург («шаҳрчаи ҷангалӣ») бино кардааст. Онро соли 845 норманҳо ва соли 1030 шоҳи Лаҳистон Мешкои II оташ задаанд. Дар асрҳои 10-11 қароргоҳи графҳои саксонӣ буд. Дар асри 13 Ҳомбургро Дания ишғол кард. Аз соли 1510 шаҳри озод. Соли 1629 дар Ҳомбург нахустин бонк кушода шуд. Солҳои 1810-14 онро сипоҳиёни Наполеони I забт карданд. Аз соли 1815 узви Иттиҳоди Олмон. Ҳудуди феълии маъмурии Ҳомбург соли 1938, баъди ба ҳайати он дохил шудани шаҳрҳои Алтона, Ҳарбург-Вилгелмбург, Вандебен, Бергедорф ва чандин деҳа муайян гардид. Солҳои 1943-45 қариб нисфи Ҳомбург аз бомбаборони иттифоқчиён хароб гардида буд. Майи 1945 Ҳомбургро сипоҳиёни Британия ишғол карданд. Аз соли 1949 ба ҳайати Ҷумҳурии Федеративии Олмон дохил шуд.

Иқтисод

Айни замон Ҳомбург маркази бузурги савдо, нақлиёт, саноат, молия ва табъу нашри Олмон мебошад. Дар Ҳомбург 6200 ширкати телевизионӣ, саноати кино, ВАО (васоити ахбори омма), нашриёт, бонку барномаҳои бузург, корхонаҳои коркарди нафт, филиззоти сиёҳу ранга ҷойгиранд. Дар Ҳомбург саноати киштисозӣ, мошинасозӣ, самолётсозӣ, электронӣ, электрӣ, кимиё, коркарди чӯб, табъу нашр, хӯрокворӣ тараққӣ кардаанд.

Гардишгарӣ

Ҳомбург маркази бузурги сайёҳист (соле 12 млн сайёҳро қабул мекунад).

Ёдмонҳои таърихӣ

Ёдгориҳои меъмории Ҳомбург Ратуша (1817), калисоҳои Петри Муқаддас (асри 12 — 1682), Якови Муқаддас (асрҳои 13-15), Екатеринаи Муқаддас (асрҳои 14-15), Михаили Муқаддас (1750-62), бурҷи калисои Николайи Муқаддас (асри18), маҷмӯи анборҳои Шпайхерштадт (1885—1927) бо осорхона, маркази конгресси Ҳамбург (1973), Намоишгоҳи савдои ҲамбурҲомбург Ҳомбург донишгоҳҳои тиббӣ, меъмории баҳрӣ, Институти таҳқиқоти ҳастаӣ (ядроӣ), маркази бузурги тиббӣ, осорхонаҳои бадеӣ, мардумшиносӣ, таъриху фарҳангӣ, касбу ҳунар, боғи ҳайвонот, боғи ботаникӣ, боғҳои истироҳат, 40 театр, аз ҷумла Театри миллии Олмон, 3 оркестри симфонӣ дорад.

Сарчашма

• Гамбург // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2017, ҷ. 4). — ISBN 978-99947-33-77-4.