Ҷорҷ Вестингҳаус

Ҷорҷ Вестингҳаус
Ҷорҷ Вестингҳаус
Таърихи таваллуд	6 октябр 1846
Зодгоҳ	Central Bridge[d];
Таърихи даргузашт	12 март 1914 (67 сол)
Маҳалли даргузашт	Ню-Йорк, иёлати Ню-Йорк, Иёлоти Муттаҳидаи Амрико;
Кишвар	Иёлоти Муттаҳидаи Амрико;
Алма-матер	Union College[d];
Ҷоизаҳо	Edison Medal[d] (1911) Медали Ҷон Фритз[d] (1906) National Inventors Hall of Fame[d] (1989) Grashof Commemorative Medal[d] (1913)
Имзо
	Парвандаҳо дар Викианбор

Ҷорҷ Вестингҳаус (англ. George Westinghouse; 6 октябр 1846^[1]^[2], Central Bridge^[d] — 12 март 1914^[1]^[2], Ню-Йорк, иёлати Ню-Йорк^[3]) — ихтироъкор, санъатгар, муҳандис ва корофрини амрикоӣ, бунёнгузори ширкат Westinghouse Electric.

Зиндагинома

Соли 1869 дар ИМА барои тормози қатора, ки бо ёрии ҳавои фишурда кор мекард, иҷозатнома (патент) гирифт. Ӯ аввал тормозе сохт, ки таҳти фишори бухор кор мекард, сипас, онро такмил дода, ба ҷойи бухор ҳаворо истифода бурд. Дертар истифодаи ин намуди тормоз дар автомобилҳо низ ҷорӣ карда шуд. Инчунин намуди нави сигналдиҳии роҳи оҳанро пешниҳод намуд. Усули бо қубурҳо ба масофаҳои дур интиқол додани гази табииро низ кор карда, трансформатори барқиро такмил дод. Ҷорҷ Вестингҳаус муҳаррики барқии трамвай, тормози барқии қатораи метро, қатораи бо неруи барқ ҳаракаткунанда (электровоз), амортизатори автомобил ва ғайраро ихтироъ карда, барои ихтироъҳояш дар маҷмӯъ 400 иҷозатнома гирифтааст. Ҷорҷ Вестингҳаус соли 1893 бори аввал шабакаи барқие сохт, ки ба Намоишгоҳи умумиҷаҳонии Чикаго равшанӣ дод. Соли 1894 даҳ генератори барқии ихтироъкардаи Ҷорҷ Вестингҳаус дар НБО-и шаршараи Ниагара насб карда шуд. Ҷорҷ Вестингҳаус президенти Ҷамъияти муҳандисон-механикҳои ИМА буд (1910).

Эзоҳ

↑ ^1.0 ^1.1 ^1.2 ^1.3 Encyclopædia Britannica (ингл.)
↑ ^2.0 ^2.1 ^2.2 ^2.3 Энциклопедия Брокгауз (нем.)
↑ ^3.0 ^3.1 Вестингауз Джордж // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Адабиёт

Вестингҳаус Ҷорҷ // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.

[_5662998b0948610b-1] 1.0 ^1.1 ^1.2 ^1.3 Encyclopædia Britannica (ингл.)

[_ecb573430789b00d-2] 2.0 ^2.1 ^2.2 ^2.3 Энциклопедия Брокгауз (нем.)

[_b03785af4ced4f1b-3] 3.0 ^3.1 Вестингауз Джордж // Большая советская энциклопедия (рус.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[1]

[2]

[3]