Абдулҳафиз Қодирӣ

Мавод аз Википедиа — донишномаи озод
Абдулҳафиз Қодирӣ
Абдулҳафиз Қодирӣ
Зодгоҳ: ноҳияи Шаҳринав ҶШС Тоҷикистон, ИҶШС
Шаҳрвандӣ:  Тоҷикистон
Касб: ҳунарпеша

Абдулҳафиз Қодирӣ — актёр ва коргардони тоҷик, Арбоби шоистаи санъати Тоҷикистон (1990).

Зиндагинома[вироиш | вироиши манбаъ]

Абдулҳафиз Қодирӣ 13 феврали соли 1948 дар деҳаи Сангмелаи ноҳияи Шаҳринав таваллуд шудааст. Шуъбаи актёрии Донишкадаи давлатии санъати театрии ш. Москва (ГИТИС)-ро соли 1971 ва шуъбаи режиссёрии ҳамин донишкадаро соли 1980 хатм кардааст. Ҳунарманди Театри давлатии ҷавонон ба номи Маҳмудҷон Воҳидов (солҳои 1971-1976), сарежиссёр ва роҳбари бадеи (солҳои 1981-1995), директори Театри давлатии ҷавонон ба номи Маҳмудҷон Воҳидов аз соли 1995.

Эҷодиёт[вироиш | вироиши манбаъ]

Дар тӯли 30 соли фаъолияти эҷодӣ Қодирӣ зиёда аз 40 асари гуногунмазмуни драматургони хориҷӣ ва муаллифони тоҷикро рӯи саҳна овардааст, ки «Якпула савдо, садпула ғавғо»-и У. Шекспир, «Ҷонфидо»-и М.Каримов, «Ҳамин тавр ҳам мешавад”-и А. Папаян, «Торҳои муҳаббат”-и Қутбӣ Киром, «Саргузашти Ҳотами Той»-и Ҷумъа Қуддус, «Таронаҳои муҳаббат»-и Н. Мирошниченко, «Умед», «Ҳукм»,» Фиғон аз қарнҳо», «Сархӯрони ғарбелбадаст» (ҳама аз Ш. Солеҳ). «Умри ҷовид». «Хуршедсавор” (аз А. Сайфуллоев), «Марги ду тан»-и И. Насриддин. «Нахоҳам иллати миллат»-и М. Холов аз ҷумлаи онҳоянд. Абдулҳафиз Кодиров худ низ ба драмнависӣ машғул аст. Ба қалами ӯ асарҳои «Падари миллат», «Олами вуҳуш», «Изтироб» ва ғайра тааллуқ доранд, ки дар театрҳои Тоҷикистон ба саҳна гузошта шудаанд.

Ҷоиза[вироиш | вироиши манбаъ]

Бо ордени «Нишони фахрӣ» ва медалҳо мукофотонида шудааст. Арбоби шоистаи санъати Тоҷикистон аст.[1]

Эзоҳ[вироиш | вироиши манбаъ]