Ноҳияи Шаҳринав

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Ноҳияи Шаҳринав
Мамлакат
Тобеи

Ноҳияҳои тобеи ҷумҳурӣ

Ноҳияи Шаҳринав дар харита


Ноҳияи Шаҳринав — ноҳия дар ҳудуди ноҳияҳои тобеи ҷумҳурӣ дар Тоҷикистон аст. Маркази ин ноҳия шаҳраки Шаҳринав аст.

Таъсис[вироиш]

Ноҳияи Шаҳринав 17 сентябри соли 1927 ташкил шудааст. Ҳудуди маъмурии он дар ҷануб то ба ноҳияи Лақай - тоҷик (имрӯза ноҳияи Рӯдакӣ ), дар шарқ то ба ноҳияи Сталинобод ва дар ғарб то ба Ҷумҳурии Ӯзбекистон тӯл кашида буд, Дар арозии он 308 даҳа мааҷуд буда аҳолиаш зиада аз 61 ҳазор нафарро ташкил макард.

Аз Ноҳияи Шаҳринав бо Қарори Ҳукумати Ҷумҳурӣ 29 январи соли 1932 ноҳияи Хисор ва соли 1935 нохияи Регар (ҳоло Турсунзода ) ҷудо карда шуданд. Соли 1959 бо мақсади калон кардани ноҳияҳо ноҳияи Шахринав барҳам дода шуд, як қисми он ба ноҳияи Хисор ва қисми дигараш ба ноҳияи Регар ҳамроҳ гардид.

Шаҳринав дар ин солҳо аз ҷиҳати пахтакорӣ яке аз ноҳияҳои пешқадам ба ҳисоб мерафт, барои дастовардҳои меҳнатии солҳои панҷоҳум 12 нафар ба гирифтани унвони Қаҳрамони Меҳнати Сотсиалистӣ ноил гардидаанд. Раҳмаатулпо Аҳмадов - котиби аввали ноҳия, Холбобо Баротов - раиси хоҷагии "Ленинград", Акрамҷон Ҳаанов - раиси хоҷагии ба номи В.И. Ленин, Нисопат Додобоева - колхозчии колхози ба номи Ленин, Тоҷибой Абдуплоее, Маҳкамбой Далатов, Мухдррам Мирзобобоееа, Мирзоир Тоҳиров, Тоҷибой Абдуплоев, Василченко К.П. аз қабили онҳо буданд.

Соли 1992 бо Қарори Шӯрои Олии Ҷумҳурии Тоҷикистон ноҳияи Шаҳринав аз нав барқарор гардид.

Ҷойгоҳ[вироиш]

Ноҳияи Шаҳринав дар водии Ҳисор ҷойгир шудааст. Дар шимол бо ноҳияи Айнӣ , дар ғарб бо ноҳияи Турсунзода, дар ҷануб бо ноҳияи Рӯдакӣ ва дар шарқ бо ноҳияи Ҳисор ҳамсарҳад аст.

Мардум[вироиш]

Бино бар саршумори соли 2010 аҳолии ноҳия 96,6 ҳаз. тан бошанда доштааст. [1]. Мардуми ноҳия ба забонҳои тоҷикӣ ва узбакӣ сухан мегӯянд.

Бахшбандӣ[вироиш]

Ноҳияи Шаҳринав ба 7 ҷамоати деҳот 1 ҷамоати шаҳрак, 70 деҳа ва 14 хоҷагиҳои ҷамоавӣ мавҷуд тақсимбандӣ шудааст.

Ҷамоатҳои ноҳияи Шаҳринав
Ҷамоат Марказ
Ҷамоати Октябр шаҳраки Октябр
Ҷамоати Сабо деҳаи Сабо
Ҷамоати Селбур деҳаи Селбур
Ҷамоати Навруз деҳаи Чузӣ
Ҷамоати Боғистон шаҳраки Боғистон

Ҳукумат[вироиш]

Сарвари ноҳияи Шаҳринав Раиси Ҳукумати он аст, ки аз ҷониби Президенти Ҷумҳурии Тоҷикистон таъйин мегардад. Ниҳоди қонунгузори ноҳияи Шаҳринав - Маҷлиси намояндагони халқӣ мебошад, ки аз тарафи ҳама мардуми ноҳияи Шаҳринав ба муддати 5 сол интихоб мешавад.

Иқтисодиёт[вироиш]

Дар ноҳия 2 ташкилоти сохтмонӣ, 600 хоҷагиҳои деҳқонӣ, 4 корхонаҳои саноатӣ ва Омӯзишгоҳи касбҳои техникӣ фаъолият дорад.

Кишоварзӣ[вироиш]

Майдони умумии заминҳо 100696 га, замини киштбоб 10571 гектар, аз он ҷумла замини обӣ 5024 гектар.

Эзоҳ[вироиш]