Абулбаракаи Самарқандӣ
| Зодгоҳ: | Самарқанд |
|---|---|
| Навъи фаъолият: | шоир, донишманд |
Абулбаракаи Фироқӣ (форсӣ: ابوالبرکه سمرقندی[1]; ? — 1507) — шоир, нависанда, қозӣ ва донишманди форс-тоҷик.
Зиндагинома
[вироиш | вироиши манбаъ]Улуми мутадовилаи даврро дар зодгоҳаш омӯхта, дар Шаҳрисабз, Самарқанд, Ҳирот, Табрез қозигӣ кардааст. Мувофиқи маълумоти манбаъҳои адабӣ шоири тавоно, дорои истеъдоди баланд будааст. Ба ин ҳунари ӯ писаронаш Хоҷа Айюб ва Баҳоуддин пайравӣ кардаанд. Аз соҳибдевон буданаш манбаъҳои адабӣ иттилоъ додаанд, вале то ҳол девонаш дастраси муҳаққиқон нагардидааст.
Осор
[вироиш | вироиши манбаъ]Дар тазкираҳову баёзҳо, радоифулашъорҳо ғазалҳои бисёре аз ӯ (асосан дар мавзӯи ишқ) дарҷ шудаанд.
- Маҳро ба ҷамоли ту куҷо заҳраи даъвост,
- К-он ҷо ҳамагӣ сурату ин ҷо ҳама маъност.
- Ман Тури таҷаллӣ чӣ кунам, бар лаби бом ой,
- Боми ту маро Туру ҷамоли ту таҷаллост.
Эзоҳ
[вироиш | вироиши манбаъ]- ↑ ابوالبرکه سمرقندی. rasekhoon.net. 17 апрели 2024 санҷида шуд.
Адабиёт
[вироиш | вироиши манбаъ]- Абулбаракаи Фироқӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
- Алишери Навоӣ, Маҷолис-ун-нафоис, Тошкент, 1961.