Абӯбакри Рубобӣ

Мавод аз Википедиа — донишномаи озод
Jump to navigation Jump to search
Абӯбакри Рубобӣ
Абӯбакри Рубобӣ
Санаи таваллуд

982

Зодгоҳ

ш. Марв

Санаи марг

1020 Ғазна

Касб(ҳо)

навозанда ва мусиқидони тоҷик

Абӯбакри Рубобӣ (Бӯбакри Рубобӣ) – мусиқидон, навозанда, мусаннифи номвари тоҷик-форс.

Зиндагинома[вироиш]

Асосҳои ибтидоии шеъру мусиқиро дар зодгоҳаш фаро гирифта, сипас барои такмили дониш ва ҳунар ба шаҳрҳои Бухорову Самарқанд рафт. Дар мактаби ҳунарии Бухоро асосҳои назарӣ ва иҷроии мусиқиро омӯхт. Дар ҳунари иҷроӣ ба сабки навозандагию эҷодии Марв такя дошт. Муддати зиёде дар Ғазна зист, ки султон Маҳмуди Ғазнавӣ ба ӯ эҳтиром қоил шуд. Ӯ сарварии ҳунармандони дарборро ба ӯҳда дошт. Дар ҳунари музҳикӣ (мазҳака, масхара) ҳам истеъдоди хоса дошта, бештар дар иҷрои асарҳои мазҳакавии мусиқӣ комёб шуд. Шогирдони зиёде тарбия намуда, ки маъруфтаринашон Ситтии Заррин, Муҳаммади Хушнудӣ, Муҳаммади Қаввол, Андалеб, Абдурраҳмони Хонанда, Бобои Музҳик, Амири Музҳик, Нури Хонанда маҳсуб мешаванд. Шоир Фаррухии Сиистонӣ дар васфи ӯ ин сатрҳоро навишта:

Андар ин айёми мо бозори ҳазл асту фасус,
Кори Бӯбакри Рубобӣ дораду танзи ҳаҷӣ.
Аз ҳакимони Хуросон ку Шаҳиду Рӯдакӣ,
Бӯшакури Балхиву Булфатҳи Бастӣ ҳак(а)зӣ.
Гӯ биёеду бубинед ин шариф(и) айёмро,
То кунад ҳаргиз шуморо шоирӣ кардӣ карӣ.
Бӯбакр, Андалиб наворо бихон,
Гӯ қавми хешро чу биёбӣ биёр.[1]

Адабиёт[вироиш]

  • Фаррухӣ, Девон. - Теҳрон, 1346;
  • Энциклопедияи адабиёт ва санъат, ҷ.1. - Душанбе, 1988;
  • Фарҳанги мусиқии Эрон. - Теҳрон, 1376;
  • Раҷабзода А. Мусиқӣ дар тамаддуни Сомониён. - Душанбе, 2000;
  • Байҳақӣ Абӯфазл, Таърихи Байҳақӣ, ҷ. 2;
  • Байхаки, История Масуда. - Москва, 1966.

Ҳамчунин нигаред[вироиш]

Эзоҳ[вироиш]

  1. Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. - Душанбе, 2009. - с. 17 ISBN 978-99947-49-13-3

Сарчашма[вироиш]