Алварес Луис Уолтер

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Алварес Луис Уолтер
англисӣ: Luis Walter Alvarez
LWA Picture Final.jpg
Санаи таваллуд:

13 июн 1911(1911-06-13)

Зодгоҳ:

Сан-Франсиско

Санаи марг:

1 сентябр 1988(1988-09-01) (77 сол)

Маҳалли марг:

Беркли

Мамлакат:
Фазои илмӣ:

физика

Ҷойҳои кор:
Дараҷаи илмӣ:

Bachelor of Science[d][1] (1932), Master of Science[d][1] (1934) ва доктори фалсафа[d][1] (1936)

Алма-матер:
Роҳбари илмӣ:

Arthur Compton[d]

Мукофоту ҷоизаҳо:
Имзо:

Имзо

Commons-logo.svg Алварес Луис Уолтер дар Викианбор


Алварес Луис Уолтер (англисӣ: Luis Walter Alvarez; 13 июни 1911, Сан-Франсиско1 сентябр 1988, Беркли) — физики америкоӣ, узви АИ ШМА (1947).

Солҳои фаъолият[вироиш]

Хатмкардаи Донишгоҳи Чикаго (1932). Аз соли 1936 дар Донишгоҳи Калифорния кор кардааст (аз соли 1945 дар вазифаи профессор). Ҳамзамон солҳои 1954 – 1959 ва 1976 – 1978 муовини сарвари Лабораторияи радиатсионии ба номи Э. О. Лоуренси шаҳри Беркли буд. Соли 1969 президенти Ҷамъияти физикони Америка интихоб шуд. Алварес дар соҳаи физикаи атом ва ядро, техникаи суръатфизоҳо, физикаи зарраҳои бунёдӣ, шуоъҳои кайҳонӣ, оптика ва радиолокатсия асарҳои илмӣ навиштааст. Соли 1937 табдилоти нави радиофаъол – ҳодисаи К-рабоиш (аз қабати К электронро рабудани ядро), соли 1939 элементи химиявии He-3-ро кашф кард. Ҳамроҳи Ф. Блох моменти магнитии нейтрони озодро муайян намуд (1940). Солҳои 1940 – 43 дар Донишгоҳи технологии Массачусет барои сохтани системаҳои радарӣ кор кард. Солҳои 1944 – 45 дар «лоиҳаи Манхэттен» (бунёди бомбаи атомӣ) иштирок намуд. Соли 1954 ҳубобкамераи моеии гидрогениро такмил дода, дар муқоиса (идентификатсия)-и зарраҳои атомӣ, аз ҷумла тритий кор фармуд. Соли 1960 зарраҳои устувори кӯтоҳумр – резонансҳоро кашф кард, ки барои ин кашфиёт соли 1968 сазовори Мукофоти Нобел гардид. Зарраҳои резонансии кӯтоҳумри мезонӣ ва бариониро кашф кард (1961). Алварес дар дигар соҳаҳои илм низ таҳқиқот бурдааст. Аз ҷумла соли 1965 дар Миср бо ёрии шуоъҳои кайҳонӣ дар аҳроми Хефрен (ш. Ҷиза) ҳуҷраҳои паноҳии ошкорнашударо ҷустуҷӯ карда ёфт.

Эзоҳ[вироиш]

Сарчашма[вироиш]

Энсиклопедияи Миллии Тоҷик Мақола дар асоси маводи Энсиклопедияи Миллии Тоҷик навишта шудааст.