Алес Карлюкевич

Мавод аз Википедиа — донишномаи озод
Jump to navigation Jump to search
Алес Карлюкевич
Алес Карлюкевич
AlesKarlukevich.jpg
Санаи таваллуд:

6 январи 1964

Зодгоҳ:

Минск

Шаҳрвандӣ (табаият):
Навъи фаъолият:

нависанда, тарҷумон

Забони осор:

Забони белорусӣ

Ҷоизаҳо:

Алес Карлюкевич (беларусӣ: Алесь Карлюкевіч[1], русӣ: Александр Карлюкевич[2]) — нависанда, тарҷумон, узви Иттифоқи нависандагони Тоҷикистон (2010).

Зиндагинома[вироиш]

Алес Карлюкевич 6 январи соли 1964 дар деҳаи Загитов-Слободаи ноҳияи Пуховичи вилояти Минск ба ҷаҳон омадааст. Шуъбаи рӯзноманигории Донишгоҳи давлатии Лвов ва Академияи Президенти Ҷумҳурии Белорусро хатм кардааст. Алес Николаевич дар бобати барқарору устувор намудани робитаҳои адабӣ, ташвиқу тарғиби адабиёти тоҷик дар кишвараш хизмати босазоеро ба анҷом расондааст. Борҳо ба Тоҷикистон сафар карда, баъди бозгашт оид ба соҳаҳои гуногуни рӯзгори мардуми мо, вохӯриҳояш ба адибону олимон як силсила мақолаву очерку гузориш навишта, пешкаши хонандагони белорус намудааст. Профессори Донишкадаи журналистикаи Донишгоҳи давлатии миллии Белорус, узви Раёсати Иттиҳодияи нависандаони Белорус, раиси Ҷамъияти дӯстии «Белорус – Тоҷикистон», аз соли 2010 узви ифтихории Иттифоқи нависандагони Тоҷикистон.

Эҷодиёт[вироиш]

Муаллифи беш аз 25 китоб аст. Бисёр асарҳои адибони рус, тоҷик, туркман ва дигаронро ба забони белорусӣ тарҷума ва чоп кардааст. Ҳамроҳи адиби тоҷик Ато Ҳамдам китоби «Дӯстии халқҳо – дӯстии адабиёт»-ро навиштааст, ки дар Тоҷикистон ду бор интишор ёфтааст. Бисёр очеркҳояш, аз қабили «Тоҷикистонро чӣ сон шинохтам ман», китобҳояш «Афсонаи бобои Алес» ва «Чӣ хел Светланаи якумхон фиреб хӯрд» дар тарҷумаи Истад Қосимзода ба забони тоҷикӣ ба табъ расидаанд.

Мукофотҳо ва ҷоизаҳо[вироиш]

  • Ҷоизаи Президенти Белорус «Барои эҳёи рӯҳӣ» («За духовное возрождение);
  • Мукофоти Иттиҳоди рӯзноманигорони Белорус «Килки тиллоӣ»;
  • Ҷоизаи адабии ба номи Павлюк Трус;
  • Мукофоти адабии ҷумҳуриявии «Купидони тиллоӣ»;
  • Нишони ифтихории нависандагони Тоҷикистон «Сухан»;
  • Медалҳои ҷумҳурии Белорус ва Куба.[3]

Осор[вироиш]

  • Карлюкевич, Алесь; Хамдам, Ато (2011). Дружба народов – дружба литератур = Дӯстии халкҳо – дӯстии адабиет : [о взаимосвязях белорусской и таджикской литератур] (2 ed.). Душанбе. ISBN 978-99947-64-64-8. 

Эзоҳ[вироиш]

  1. Алесь Бадак – пра атрыманне прэміі СНД “Зоркі Садружнасці” // Белорусский Союз Журналистов
  2. Руководители ИД “Звязда” стали лауреатами премии “Звезды Содружества” // Белорусский Союз Журналистов
  3. Адибони Тоҷикистон (маълумотномаи мухтасари шарҳиҳолӣ)./Таҳия ва танзими Асрори Сомонӣ ва Маҷид Салим. – Душанбе, «Адиб», 2014, – с.103 - 104 ISBN 978-99947-2-379-9

Пайвандҳои беруна[вироиш]