Алишер Мирзонабот
Алишер Мирзонабот | |
|---|---|
| Алишер Худобердӣ Мирзонабот | |
| Таърихи таваллуд: | 27 август 1980 (45 сол) |
| Зодгоҳ: | Ноҳияи Рӯшон , ҶШС Тоҷикистон, ИҶШС |
| Шаҳрвандӣ: |
 Тоҷикистон |
| Таҳсилот: | Донишкадаи ҳарбии КНБ-и Ҷумҳурии Қазоқистон (2003). Академияи сарҳадии Хадамоти федералии бехатарии Федератсияи Россия (2006). Мактаби Олии Кумитаи давлатии амнияти миллии Ҷумҳурии Тоҷикистон (2018). |
| Ҳизб: | Ҳизби халқии демократии Тоҷикистон |
| Навъи фаъолият: | Муовини Раиси Маҷлиси миллии Маҷлиси Олии Ҷумҳурии Тоҷикистон. раиси Вилояти Мухтори Кӯҳистони Бадахшон. |
Алишер Худобердӣ Мирзонабот (Мирзонаботов) (27 августи соли 1980, ноҳияи Рӯшони Вилояти Мухтори Кӯҳистони Бадахшон, ҶШС Тоҷикистон) — арбоби низомӣ ва давлатии тоҷик, раиси Вилояти Мухтори Кӯҳистони Бадахшон, Муовини Раиси Маҷлиси миллии Маҷлиси Олии Ҷумҳурии Тоҷикистон даъвати VII. генерал-майор.
Зиндагинома
[вироиш | вироиши манбаъ]Алишер Мирзонабот 27 августи соли 1980 дар ноҳияи Рӯшони Вилояти Мухтори Кӯҳистони Бадахшон ҶШС Тоҷикистон таваллуд шудааст. Соли 1997 мактаби рақами 4-и ноҳияи Рӯшони Вилояти Мухтори Кӯҳистони Бадахшон ва соли 2003 Донишкадаи ҳарбии КНБ-и Ҷумҳурии Қазоқистонро хатм кардааст. Инчунин муҳассилини Академияи сарҳадии Хадамоти федералии бехатарии Федератсияи Россия (2006) ва Мактаби Олии Кумитаи давлатии амнияти миллии Ҷумҳурии Тоҷикистон (2018) буд.
Фаъолияти низомӣ
[вироиш | вироиши манбаъ]Баъди хатми мактаб дар сафи қӯшунҳои сарҳадӣ, аз соли 1998 то соли 2000 дар қисми низомии 2730 (Душанбе) хидмат кардааст.
Моҳи марти соли 2003 муовини сардори ситоди қисми 2107-и Қӯшунҳои сарҳадии ноҳияи Мурғоби Тоҷикистон, аз январи соли 2004 то моҳи августи соли 2005 сардори ситоди як қисми ҳарбӣ шуда, баъдан дар вазифаҳои гуногун дар қӯшунҳои сарҳадӣ то соли 2017 хидмат кардааст.
Моҳи сентябри соли 2017 дар вазифаи муовини раиси Кумитаи давлатии амнияти миллии Тоҷикистон кор карда, то моҳи сентябри соли 2018 дар ин мақом кор кардааст.
Фаъолияти меҳнатӣ
[вироиш | вироиши манбаъ]Моҳи сентябри соли 2018 муовини аввали раиси Вилояти Мухтори Кӯҳистони Бадахшон таъйин шуд.
- 24 ноябри соли 2020 бо фармони раисиҷумҳури Тоҷикистон Эмомалӣ Раҳмон раиси шаҳри Хоруғ таъйин шуд[1].
- 5 ноябри соли 2021 бо фармони Президенти Тоҷикистон Раиси Вилояти Мухтори Кӯҳистони Бадахшон таъйин шуда, дар ин вазифа Ёдгор Файзовро иваз кард[2].[3]
- Аз 26 августи соли 2022 аз ҳавзаи интихоботии бисёрмандатии Вилояти Мухтори Кӯҳистони Бадахшон №1 дар ҷараёни даъват узви Маҷлиси миллии Маҷлиси Олии Ҷумҳурии Тоҷикистон даъвати VI интихоб шудааст.[4]
- Аз 28 марти соли 2025 аз ҳавзаи интихоботии ВМКБ №1 узви Маҷлиси миллии Маҷлиси Олии Ҷумҳурии Тоҷикистон даъвати VII интихоб шудааст.
- Аз 11 апрели соли 2025 - Муовини Раиси Маҷлиси миллии Маҷлиси Олии Ҷумҳурии Тоҷикистон даъвати ҳафтум, солҳои 2025-2030.[5].
Рутбаи ҳарбии генерал-майорро дошта, барои хизматҳои сазовор ва содиқона ба давлату миллати тоҷик бо мукофотҳои давлатӣ сарфароз гардидааст.[6]
Мукофот
[вироиш | вироиши манбаъ]- Ордени «Шараф»
дараҷаи II (2022). - медали "Марзбони шуҷои Ватан" (2015),
- медали ҷашнии "30-солагии Истиқлоли давлатии Ҷумҳурии Тоҷикистон" (2021),
Оила
[вироиш | вироиши манбаъ]Оиладор, чор фарзанд.
Эзоҳ
[вироиш | вироиши манбаъ]- ↑ О назначении Мирзонабота А. Х. исполняющим обязанности председателя города Хорога Горно-Бадахшанской автономной области(рус.)(пайванди дастнорас — таърих) (24 ноябри 2020). Баргирифта аз сарчашмаи аввал 3 июли 2022.
- ↑ О назначении Мирзонабота А. Х. исполняющим обязанности председателя Горно-Бадахшанской автономной области(рус.) (24 ноябри 2020).
- ↑ РОҲБАРИЯТИ МАҶЛИСИ МИЛЛӢ(тоҷ.). www. majmilli.tj. 8 феврали 2025 санҷида шуд. Баргирифта аз сарчашмаи аввал 13 Январ 2025.
- ↑ МИРЗОНАБОТ Алишер Худобердӣ(тоҷ.). www. majmilli.tj. 8 феврали 2025 санҷида шуд. Баргирифта аз сарчашмаи аввал 26 августи 2024.
- ↑ Муовини Раис - Мирзонабот Алишер(тоҷ.). www.majmilli.tj. 13 июли 2025 санҷида шуд.
- ↑ РОҲБАРИЯТИ МАҶЛИСИ МИЛЛӢ(тоҷ.). www. majmilli.tj. 8 феврали 2025 санҷида шуд. Баргирифта аз сарчашмаи аввал 13 Январ 2025.
Пайвандҳо
[вироиш | вироиши манбаъ]- Рахмон подписал указ о назначении главы Горно-Бадахшанской области
- Солдат Бокира в Мургабе и зампред ГКНБ: Что известно о новом главе ГБАО?
- Ҳукумати ВМКБ ҳолномаи расмии раиси вилоятро нашр кард: 41-сола ва хатмкардаи ду донишгоҳи хориҷӣ
Эзоҳ
[вироиш | вироиши манбаъ]- Зодагони 27 август
- Зодагони соли 1980
- Шахсиятҳо аз рӯи алифбо
- Зодагони ноҳияи Рӯшон
- Сиёсатмадорон аз рӯи алифбо
- Википедиа:Мақолаҳои бесурат дар бораи сиёсатмадорон
- Дорандагони ордени Шараф
- Низомиёни Тоҷикистон
- Сиёсатмадорони Тоҷикистон
- Сиёсатмадорони асри XXI
- Вакилони Маҷлиси милли Ҷумҳурии Тоҷикистон даъвати VI
- Вакилони Маҷлиси миллии Ҷумҳурии Тоҷикистон даъвати VII
- Ходимони ҷамъиятии Тоҷикистон