Ангрен

Мавод аз Википедиа — донишномаи озод
Jump to navigation Jump to search
Шаҳр
Ангрен
ӯзбакӣ: Angren, Ангрен
Кишвар

Ӯзбакистон

Вилоят

Тошканд

Координатаҳо

41°01′00″ а. шим. 70°08′00″ т. ш.HGЯO

Таъсис

1942

Шаҳр аз

1946

Забони расмӣ

ӯзбекӣ *

Аҳолӣ

175 400[1] нафар (2014)

Номи қавмӣ

ангренӣ, ангрениҳо

Вақти минтақавӣ

UTC+5

Коди телефон

+998 7066

Нишонаҳои почта

110200

Нишон додан/Пинҳон кардани харита
Ангрен дар харитаи
Ангрен
Ангрен

Ангре́н (ӯзбакӣ: Angren, Ангрен — шакли вайроншудаи Оҳангарон) — шаҳр (19411946 шаҳраки Ангреншахтсрой) дар вилояти Тошканди Ҷумҳурии Ӯзбекистон.

Аҳолӣ 175,4 ҳаз. нафар (2014)[1].

Ҷуғрофиё[вироиш]

Байни қаторкӯҳҳои Чатқол ва Қурама, дар соҳили чапи дарёи Оҳангарон воқеъ гаштааст. Истгоҳи роҳи оҳани Ангрен зиёда аз 130 ҳазор нафар (2006), асосан ӯзбекҳо, русҳо, тоҷикон, қирғизҳо, кореягиҳо ва ғ. Аз А. роҳи автомобилгарди Тошканд — Қӯқанд мегузарад. Маркази саноати ангишти Ӯзбекистон.

Таърих[вироиш]

Соли 1934 дар натиҷаи иктишофи геологӣ кони калони ангишт ёфт шуда, истихроҷи он соли 1942 шурӯъ гардид. Дар сохтмони Ангрен хатогӣ роҳ дода шуда, баъдтар маълум гардид, ки он болои кон ҷой гирифтааст ва зарурати ба дигар ҷой кӯчондани шаҳр пеш омад. Соли 1956 шаҳри нав 7—8 км дуртар аз Ангрени пештара, дар ҷойи аз ангишт холишудаи мавзеъ бино ёфт.

Саноат[вироиш]

Корхонаҳои калонаш: комбинати «Ӯзбеккӯмир» (Ангишти ӯзбек), Комбинати маъдантозакунии «Каолин» (корхонаи муштарак бо Германия), заводҳои истеҳсол ва таъмири таҷҳизоту техникаи саноати кӯҳӣ, конструксияҳои оҳанубетонӣ, семент, асфалт, металлҳои ранга. Дар Ангрен корхонаҳои саноати сабук ва хӯрокворӣ (комб. орд ва нонпазӣ), ҷамъиятҳои саҳҳомии «ӯзбекнефтегаз», «Ангренкулол», «Ӯзбекрезинатехника», «Ангрензот» низ ҳастанд. Ду нерӯгоҳи барқии ноҳиявӣ бо гази маҳаллӣ кор мекунад. Дар Ангрен ягона дар мамлакат пойгоҳи зеризаминии истеҳсоли гази ангишт (бо усули пиролиз) фаъолият дорад.

Илму фарҳанг[вироиш]

Дар Ангрен филиали Донишкадаи педагогӣ, Донишгоҳи давлатии техникии Тошканд, техникумҳои кӯҳкорию геологӣ, сохтмон, омӯзишгоҳи тиббӣ, коллеҷи хизмати маишӣ, осорхонаи таъриху кишваршиносӣ мавҷуданд.

ВАО[вироиш]

«Ангрен ҳақиқати», «Агренская правда», ширкати телевизион ва радиои «Орион-ТВ».

Эзоҳ[вироиш]

Сарчашма[вироиш]