Аъзам Пудинаев

Мавод аз Википедиа — донишномаи озод
Jump to navigation Jump to search

Аъзам Пудинаев (тав. 6.06.1948, ноҳияи Нуробод)), педагог, номзади илмҳои педагогӣ (1992), дотсент (2000).

Зиндагинома[вироиш]

Соли 1971 факултети таъриху филологияи Донишкадаи давлатии омӯзгории ш. Душанбе ба номи Т.Г.Шевченкоро хатм кардааст. Солҳои 1971–1973 корманди рӯзномаи «Педагоги ҷавон», 1973–1974 афсари Артиши Шӯравӣ, 1974–1976 корманди рӯзномаи «Педагоги ҷавон», 1976–1980 муаллими кафедраи равоншиносӣ, 1980–1983 аспирант, 1983– 1998 муаллим, муаллими калон, 1998–2004 мудири кафедраи равоншиносии Донишгоҳи давлатии омӯзгории Тоҷикистон ба номи Садриддин Айнӣ буд. Аз соли 2005 ҳамчун дотсенти кафедраи равоншиносии Донишгоҳи тиҷорати Тоҷикистон фаъолият дорад. Муаллифи зиёда аз 50 таълифоти илмӣ, илмию методӣ мебошад, ки дар онҳо масъалаҳои тарбияи маънавии ҷавонон ва саҳми кафедраи равоншиносӣ дар тайёр намудани мутахассисон баррасӣ шудаанд. Бо нишони сарисинагии «Аълочии маорифи Тоҷикистон» (1998) қадр карда шудааст.

Осор[вироиш]

  • Тарбияи маънавии ҷавонон, Д., 1996;
  • Даргоҳи маърифат, Д., 2001;
  • Тарбияи ахлоқии донишҷӯён // Мактаби советӣ, Д., 1983, №19;
  • Тарбияи мустақилияти ҷавонон // Маърифат, Д., 1992, №4;
  • Тарбияи ҳиссиёт дар наврасон // Паёми донишгоҳи омӯзгорӣ, Д., 2000, №4.

Пайвандҳои беруна[вироиш]