Балхаш (шаҳр)

Шаҳр
Балхаш
қаз.: Балқаш
Нишон
46°50′34″ с. ш. 74°58′39″ в. д.
Кишвар	Қазоқистон
Таърих ва ҷуғрофиё
Таъсис	1932
Масоҳат	230 км²
Баландии марказ	440 ± 1 м
Минтақаи замонӣ	UTC+6:00
Аҳолӣ
Аҳолӣ	▲78 002 тан (2014)
Номи қавмӣ	балхашӣ, балха́шиҳо
Шиносаҳои ададӣ
Нишонаи почта	100300—100316
Дигар
Ҷоизаҳо
balkhash.gov.kz/ru/
Балхаш
Парвандаҳо дар Викианбор

Намои шаҳри Балхаш. Атрофи ҷанубӣ

Балха́ш (қаз.: Балқаш) — шаҳр дар вилояти Қарағандаи Ҷумҳурии Қазоқистон.

Ҷуғрофиё

Дар соҳили кӯли Балхаш, дар халиҷи Бертис, 380 км дуртар аз Қарағанда ҷойгир аст. Аҳолиаш бо сокинони атрофи он 77396 нафар (2012).

Иқтисод

Балхаш яке аз марказҳои муҳимми саноати филиззоти рангаи Қазоқистон аст. Соли 1937, баъди сохтани Комбинати металлургияи кӯҳии мисгудозӣ бунёд ёфтааст. Дар ҳудуди Балхаш 400 корхона, аз ҷумла, комб-ҳои консерваи гӯшту моҳӣ, масолеҳи бинокорӣ, заводдҳои механикӣ, Комбинати металлургии Иттиҳодияи истеҳсолии «Балхашцветмет», з-ди коркарди филиззоти ранга (асосан ба коркарди хӯлаи мис сарукор дошта, талаботи сиккахонаҳоро таъмин месозанд), корхонаҳои саноати хӯрокворӣ («Балхашнон», «Балхашсут») фаъолият доранд. Тангаҳои Қазоқистон, Россия, Олмон ва Ҳиндустон маҳз аз масолеҳи заводи коркарди филиззоти рангаи Балхаш сикка зада мешаванд. Соли 1967 миси Балхаш дар Намоишгоҳи байналмилалии Лондон намунаи аълои миси ҷаҳонӣ эътироф гардид.

Илм ва фарҳанг

Дар Балхаш, инчунин, Донишкадаи марказии технология ва менеҷменти Қазоқистон, омӯзишгоҳи тиббӣ, осорхонаи таърихӣ-кишваршиносӣ, боғи ботаникии АИ Қазоқистон, аэропорт, 36 муассисаи таълимӣ, 10 кӯдакистон, омӯзишгоҳи касбии техникӣ, 8 меҳмонхона барои 180 ҷой (бузургтаринашон «Алпина» ва «Жемчужина»), китобхона, тарабхонаҳо, маҷмааҳои варзишию тандурустӣ мавҷуданд.

Гардишгарӣ

Дар Балхаш мавзеъҳои саёҳатию туристӣ зиёданд, аз ҷумла, мавзеи Бектой-Ота минтақаи истироҳатии машҳур аст.

Адабиёт

• Балхаш // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.