Абӯали Балъамӣ

Мавод аз Википедиа — донишномаи озод
(Тағйири масир аз Балъами)
Ҷаҳиш ба: новбари, Ҷустуҷӯи
Аксе ки дар китоб нақш гирифтааст, нусхаи Балъами аст ки ба забони форсӣ аз арабӣ тарҷума кардааст «Таърихи пайғамбарон ва шоҳон»-и ат-Табари асри XIV

Абӯъалӣ Муҳаммад ибни Муҳаммади Балъамӣ (форси ابو علی محمد بن محمد بن عبدالله البلعمی)(ваф. марти 974) – муаррих, сиёсатмадор ва вазири Абдулмалик ибни Нуҳи Сомонӣ(954 – 961) ва Мансур ибни Нуҳ (961 – 976) буд. Писари Абулфазли Балъамӣвазири Наср ибни Аҳмади Сомонӣ (914–943), яке аз ҳомиёни Рӯдакӣ аст. Ӯ «Таърихи Табарӣ»-ро тарҷумаи мухтасар кард ва иловаҳое бар он навишт, ки бештар ба таърихи миллии эрониён дахл дошт, дар натиҷа феълан китобе дигартар падид овард, то ҷое, ки иддае аз муаррихину муҳаққиқин онро «Таърихи Балъамӣ» низ гуфтаанд. Балъамӣ низ мисли Табарӣ дар исботи як ҳодиса ривоятҳои гуногунро оварда ва маъқули онро дар аввал навиштааст, вале дар бисёр маворид аз миёни ахбори мусалсали як мавзӯъ боэътимодтарини онро гузида аз дигарҳояш сарфи назар кардааст. Қисмати бештаре аз иловаҳои аснодии таърихии Балъамӣ аз арзишҳои баланди илмӣ бархурдоранд ва барои баъдиён хеле муҳим афтодаанд.

Ба қавли донишмандони тоҷик – мураттибони «Таърихи Табарӣ»-и Балъамӣ М.Умаров ва Ф.Бобоев

«Балъамӣ аввалин донишманди таърихнигор буд, ки тамоми матолиб ва маълумоти таърихномаи Табариро ба таҳлилу тадқиқи илмӣ кашида, дар асоси он ва маълумоти сарчашмаҳои дигар ба забони дарӣ асари тозае офарид. Ва аз ин лиҳоз метавон гуфт, ки Балъамӣ муаллиф аст, зеро маълумоти муфассал дар достони Баҳроми Чӯбин ва фаслҳои марбут ба футӯҳи кишвари Эрон берун аз ахбори арабӣ ва берун аз ин китоби таърих аст»

.

Абӯали Балъамӣ ҳамчун тарҷумони китоби Муҳаммад ибн Ҷарир ал-Табарӣ «Таърихи Табарӣ» аз забони арабӣ ба забони форсӣ маъмул аст.

Нигаред[вироиш]

Пайвандҳои беруна[вироиш]