Белгород

Аз Википедиа
Ҷаҳиш ба: новбари, Ҷустуҷӯи

БЀЛГОРОД (русӣ: Белгород) — шаҳр дар Русия, маркази вилояти Белгород. Дар қисми ҷанубии баландии Руси Миёна, дар соҳили рости дарёи Северский Донеск ва шохоби он – дарёи Везелка ҷой гирифтааст. Маркази роҳи оҳан: Маскав–Харков (Украина), Брянск–Купянск (Украина), шоҳроҳи автомобилии Маскав–Симферопол (Украина) дорад. Аҳолиаш 356,4 ҳазор нафар (2010). Аэропорти байналмиллалӣ дорад. Дар сарчашмаҳо Белгороди бори нахуст дар соли 1237 зикр гардидааст.

Таърих[вироиш]

Аз соли 1596 шаҳр. Аз асри 15 минтақаи сарҳаддии давлати Рус буд. Аз соли 1708 дар ҳайати губернатории Киев, аз соли 1779 шаҳри марказии уезди волигии Курск ва аз соли 1796 дар ҳайати губернияи Курск қарор дошт. Соли 1785, баъди ба Русия ҳамроҳ шудани Қрим ва Новороссия, аз рӯйхатти қалъаҳои ҷанубии канорӣ бароварда шуд. Солҳои ҶБВ (1941–45) Белгород аз тарафи лашкариёни олмонӣ истило ва қариб пурра хароб гардид. Тобистони 1943 озод шуд. Аз соли 1954 – маркази маъмурии вилояти Белгород.

Ҷуғрофия[вироиш]

Иқтисодиёт[вироиш]

Белгороди муосир маркази саноати гуногунсоҳа буда, дар он мошинасозӣ (заводи мошинсозии энергетикӣ), истеҳсоли масолеҳи бинокорӣ (семент, маҳсулоти сементию асбестӣ), дӯзандагӣ, хӯрокворӣ (заводи ҷавҳари лиму) тараққӣ кардааст. Дар Белгороди донишгоҳ, Академияи кишоварзӣ, Академияи технологияи масолеҳи бинокорӣ, филиали интҳои умумииттифоқӣ мавҷуданд. Белгороди маркази корҳои таҳқиқотӣ ва лоиҳакашӣ оид ба азхуд кардани Аномалияи магнитии Курск (АМК) буда, дар он институтҳои таҳқиқоти илмӣ ва лоиҳакашӣ, ки бо масъалаҳои АМК машғуланд, фаъолият доранд. Дар Белгороди осорхонаи бадеии вилоятӣ, осорхонаи кишваршиносӣ, осорхонаи диорамаи «Муҳорибаи Курск», театрҳои драмавӣ ва лӯхтак мавҷуданд. Аз ёдгориҳои меъморӣ қалъаи Покровский (1711), Калисои ҷомеи Смоленск (тақрибан соли 1725 таҷдид гардид), Калисои ҷомеи Спасо-Преображенский (1820), Калисои Архистратиг Михаил (1844), Калисои Успенск-Николаевский (1709) маҳфуз мондаанд.

Инҷоро ҳам бингаред[вироиш]

Манбаъ[вироиш]

Энсиклопедияи миллии тоҷик, ҷилди 2

  • Новая российская энциклопедия. Т. 3 (1). Москва, 2007.