Беллинсҳаузен (баҳр)

Баҳри Беллинсҳаузен ҳамчун як қисми Уқёнуси Ором

БЕЛЛИНСҲÁУЗЕН, баҳри канории Уқёнуси Ором дар назди соҳилҳои Антарктида. Дар байни нимҷазираҳои Антарктида ва Терстон воқеъ аст. Умқаш 410–470 метр. Ҳарорати об 0^оС ва аз он ҳам паст буда, тобистон шӯриаш то ба 33,5 дарсад мерасад. Соҳилҳояш кӯҳсор, бо пиряхҳо иҳота шудаанд. Ҷазираҳои калонаш – Пётри I ва Замини Александри I. Тамоми сол дар қисми зиёди сатҳи баҳр яхҳо ва айсбергҳо шино мекунанд. Онро соли 1821 баҳрнавардони рус Ф. Ф. Беллинсҳаузен ва М. П. Лазарев кашф кардаанд.

Манбаъ

• Асос — Боз. — Д. : СИЭМТ, 2013. — 664 с. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2017, ҷ. 2). — ISBN 978-99947-33-52-4.