Бинокорӣ

Бинокорӣ ‖ Биносозӣ ҳунарест, ки дар таърихи тоҷикон ба ҳунари хосае табдил ёфтааст. Дар натиҷаи ин ҳунари қадима чунин биноҳову хонаҳо пайдо шуданд, ки имрӯз бо унвонҳои хонаи бадахшонӣ, хонаи яғнобӣ, хонаи водинишин, хонаи кӯҳистонӣ маълуманд. Беш аз ин, сохтмоне ба мисли айвон, технологияи молидани деворҳо ва бомҳо - андова, гуногунии хишт - хишти пухта, хишти хом, хишти лойин низ мушоҳида мешаванд, ки аз ҳунари волои аҷдодони мо шаҳодат медиҳанд.