Блэкетт, Патрик Мейнард Стюарт

Мавод аз Википедиа — донишномаи озод
Jump to navigation Jump to search
Патрик Мейнард Стюарт Блекетт
англ. Patrick Maynard Stuart Blackett, Baron Blackett
Blackett.jpg
Санаи таваллуд:

18 ноябр 1897(1897-11-18)[1][2][…]

Зодгоҳ:
Санаи марг:

13 июл 1974(1974-07-13)[1][2][…] (76 сол)

Маҳалли марг:
Мамлакат:
Фазои илмӣ:

физика

Ҷойҳои кор:
Алма-матер:
Роҳбари илмӣ:

Эрнест Резерфорд

Ҷоизаҳо:
Commons-logo.svg Патрик Мейнард Стюарт Блекетт дар Викианбор

Патрик Мейнард Стюарт Блэкетт, барон Блэкетт (англ. Patrick Maynard Stuart Blackett, Baron Blackett; 18 ноябри 1897, Лондон — 13 июли 1974, Лондон) — физикдони англис. Барандаи Ҷоизаи Нобел дар соҳаи физика (1948).

Зиндагинома[вироиш]

Блекетт баъди хатми коллеҷҳои баҳрии шоҳии Осборн ва Дартмут солҳои Ҷанги якуми ҷаҳонӣ дар вазифаи гардемарин дар киштии «Карнарвон» хидмат карда, соҳиби унвони лейтенант шуд. Соли 1918 ба омӯзиши физика дар Университети Кем­б­риҷ оғоз кард. Аз с. 1921 дар лаб. Кавендиши Университети мазкур — маркази пешқадами омӯзиши радиоактивият ва сохти атом таҳти роҳбарии Э. Резерфорд кор карда, дар камераи Вилсон табиати маҳсулоти ниҳоии таъсири мутақобилаи байни алфа-зарра ва атомҳои нитрогенро омӯхт. Блэкетт нишон дод, ки дар натиҷаи бархӯрди алфазарра ва атоми нитроген ҳастаи гидроген (протон) ва изотопи оксиген ба вуҷуд меояд. Соли 1932 якҷо бо физикдони итолиёӣ Ҷ. Окялини ба омӯзиши нурҳои кайҳонӣ шурӯъ карда, бо ёрии камераи Вилсон ва ду ҳисобкунаки Гейгер изҳои позитронро ошкор кард. Бо ҳамин кашфи позитронро, ки чанд моҳ қабл физикадони амрикоӣ К. Д. Андерсон пешгӯӣ карда буд, собит намуд. Инчунин муқаррар кард, ки позитрон бо электрон ҷуфтҷуфт (ба таври «села») ба амал меоянд. Солҳои 1935-37 дар Кумитаи Тизард кор кардааст. Аз с. 1937 профессори. Университети Манчестер. Солҳои Ҷан­ги дуюми ҷаҳонӣ оид ба такмили бомбаандозӣ, низомҳои радарӣ, аслиҳаи зиддикиштӣ кор кардааст. Аз с. 1953 дар фак-ти физикаи Империал-коллеҷи илмӣтехнологӣ фаъолият дошт, аз с. 1955 декан он оид ба илм буд. Аз с. 1963 мушовири ҳизби лейбористӣ оид ба илму техника, с. 1965 Президенти Ҷамъияти шоҳии Лондон буд. Блэкетт бо медалҳои шоҳӣ ва Коплии Ҷамъияти шоҳии Лондон ва дигар медалҳо сарфароз гардидааст. Соли 1969 ба унвони пэри якумра — барон Блэккет сазовор гаштааст.

Эзоҳ[вироиш]

  1. 1.0 1.1 идентификатор BNF: платформа открытых данных — 2011.
  2. 2.0 2.1 Комитет исторических и научных работ — 1834.
  3. 3.0 3.1 SNAC — 2010.
  4. 4.0 4.1 Блэкетт Патрик Мейнард Стюарт // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Сарчашма[вироиш]