Василий Бояркин

Василий Бояркин
Василий Бояркин
Зодрӯз	24 апрел 1914
Таърихи даргузашт	12 декабр 1943 (29 сол)
Қисм	сержанти калон
Равобит	;

Василий Илларионович Бояркин (24 апрел 1914, Tyulgansky District^[d], Orenburg Oblast^[d] — 12 декабр 1943) — сержанти калони Артиши Сурх, иштирокдори Ҷанги Бузурги Ватанӣ, Қаҳрамони Иттиҳоди Шӯравӣ (1944).

Зиндагинома

Василий Бояркин 24 апрели соли 1914 дар совхози Олшанка (холо ноҳияи Тюлгански вилояти Оренбург) дар оилаи деҳқон таваллуд шудааст. Маълумоти ибтидоиро гирифта, дар стансияи мошину трактории Шаҳритӯси вилояти Қургонтеппаи ҶШС Тоҷикистон тракторчӣ кор кардааст.

Моҳи ноябри соли 1941 ба сафи Артиши Сурх даъват карда шуд. Аз октябри соли 1942 — дар фронтҳои Ҷанги Бузурги Ватанӣ буд. То сентябри соли 1943 сержанти калони гвардия Василий Бояркин ба экипажи пулемётчиёни эскадраи 4-уми полки савораи 60-уми дивизияи 16-уми савораи корпуси 7-уми савораи гвардиягии артиши 61-уми фронти марказӣ фармондеҳӣ мекард. Ӯ дар муҳорибаи Днепр^[1] пешоҳанг буд.

27 сентябри соли 1943 дар мавзеъи деҳаи Нивкии ноҳияи Брагини вилояти Гомели ҶШС Беларус Бояркин дар қисми худ яке аз аввалинҳо шуда аз Днепр гузашта, гузаргоҳи зербахшҳои полкро бо оташи пулемёт рӯпуш кард. Танҳо дар вақти ҳуҷуми ҷавобии якум экипажи Бояркин кариб 30 нафар сарбозону афсарони душманро несту нобуд ва ярадор карда, боқимондаро маҷбур кард, ки ба мавқеъҳои худ ақибнишинӣ кунанд. Бояркин бо вуҷуди захмдор шуданаш майдони ҷангро тарк накарда, ҷангро давом дода, вазифаи ҷангиро бомуваффақият иҷро кард, ки ин имкон дод 28 сентябр деҳаи Вялйе озод карда шавад. 12 декабри соли 1943 Бояркин дар ҷанг кушта шуд. Дар шаҳраки Комарин ба хок супурда шуд^[1].

Ҷоизаву унвонҳо

Қаҳрамони Иттиҳоди Шӯравӣ (15 январи соли 1944, баъд аз марг) .

Бо ордени Ленин, ордени Ҷанги Ватанӣ, дараҷаи 1 ва Ситораи Сурх қадр шудааст.

Бузургдошт

Дар шаҳраки Шаҳритӯс дар назди кохи фарҳанг муҷассамаи Василий Бояркин гузошта шудааст. Дар шаҳраки Комарин номи ӯ дар лавҳаи ёдгорӣ гузошта шудааст
Номи Қаҳрамон дар Хиёбони Шараф дар Комарин (вилояти Гомел, Беларус), бо портрет ва зиндагинома^[2] гузошта шудааст.

Эзоҳ

↑ ^1.0 ^1.1 Василий Бояркин. Сайти «Герои Страны».
↑ Когда Днепр повернул вспять. Как освобождали первый населенный пункт Беларуси?. БелТА.

Адабиёт

Ахмадиев Т. Х. Башкирская гвардейская кавалерийская. Уфа, 1999.
Сечкина Л. П. Твои Герои, Таджикистан. Душанбе, 1985.
Слава башкирских конников. Уфа: Китап, 2005.

[wh-1] 1.0 ^1.1 Василий Бояркин. Сайти «Герои Страны».

[2] Когда Днепр повернул вспять. Как освобождали первый населенный пункт Беларуси?. БелТА.

[1]

[2]