Гагра

Маҳалли аҳолинишин
Гагра абх. Гагра гурҷӣ: გაგრა
Нишон
Координатаҳо	43°16′59″ с. ш. 40°16′00″ в. д.
Гагра

Га́гра (абх. Гагра) — шаҳр дар Гурҷистон, дар соҳили баҳри Сиёҳ, дар ҳудуди Ҷумҳурии худэълонкардаи Абхозистон, 80 км дуртар аз қисми шимолу ғарбии Сухуми. Аҳолиаш 15 ҳазор нафар (2014). Бандар дар баҳри Сиёҳ, маркази истгоҳи роҳи оҳан. Аз Гагра роҳи автомобилгарди Сочи — Сухуми мегузарад.

Таърих

Дар охири ҳазорсолаи 1 пеш аз м. дар ҳудуди Гагра бошишгоҳи Триглифи Юнони Қадим вуҷуд дошт. Ибтидои асрҳои миёна Қалъаи Абхоз эъмор шуд. Аз ибтидои садаи XX, баъди маркази фароғат гардиданаш, тараққӣ кард. Аз соли 1919 маркази уезд ва аз соли 1930 маркази ноҳияи ҳамном. Соли 1933 мақоми шаҳрро гирифт. Соли 1992 зимни ошӯбҳои байни Гурҷистону Абхозистон дар Гагра задухӯрдҳои низомӣ ба амал омаданд.

Иқлим

Иқлими Гагра субтропикӣ буда, рустаниҳои фаровон, пляж ва оби маъдании шифобахши сулфиддор дорад. Дар соҳили баҳри Сиёҳ осоишгоҳи иқлимӣ мавҷуд аст, ки дар он бемориҳои роҳи нафас, рагу пайванди дил ва асаб табобат карда мешаванд. Саноати хӯрокворӣ ривоҷ ёфта, асосан талаботи осоишгоҳҳоро таъмин месозад.

Сарчашма

• Гагра // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 4). — ISBN 978-99947-33-77-4.

Пайвандҳо

• Официальный сайт города Гагра. Администрация Гагрского района
• Вебкамера в городе Гагра Бойгонӣ шудааст 19 май 2010  сол.
• Прогноз погоды в Гагра Бойгонӣ шудааст 20 июли 2011  сол.