Далер Ҷумъа

Мавод аз Википедиа — донишномаи озод
Далер Ҷумъа Шофақир
Ҷумъаев Далер Шофақирович
аз 3 ноябр соли 2020

Таваллуд 28 март 1973(1973-03-28) (50 сол)
Таҳсилот Донишгоҳи техникии Тоҷикистон (1998), Донишгоҳи давлатии Хоруғ ба номи М. Назаршоев (1999)
Касб ходими давлатӣ
Ҷоизаҳо медали «Хидмати шоиста»

 

Далер Ҷумъа (Ҷумъаев Далер Шофақирович; 28 марти 1973, Вилояти мухтори Кӯҳистони Бадахшон, ҶШС Тоҷикистон) — давлатмарди тоҷик, вазири энергетика ва захираҳои оби Ҷумҳурии Тоҷикистон.

Зиндагинома[вироиш | вироиши манбаъ]

Далер Ҷумъа 28 марти соли 1973 дар Тоҷикистон таваллуд шудааст. Соли 1998 Донишгоҳи техникии Тоҷикистон ба номи академик М. С. Осимӣ бо ихтисоси муҳандиси нерӯгоҳҳои барқӣ, соли 1999 Донишгоҳи давлатии Хоруғ (ғоибона) бо ихтисоси иқтисодчӣ-муҳосиб, соли 2006 дар Донишгоҳи Каролинаи Шимолӣ — Чапел Хилл, ИМА дар самти идоракунӣ ва сиёсати давлатӣ такмили ихтисос намуда, соли 2013 Донишгоҳи Ҳарварди ИМА-ро дар самти идоракунии соҳибкорӣ хатм кардааст.

Дар солҳои 2005—2010, 2010—2015, инчунин аз соли 2020 вакили маҷлиси вакилони халқи ВМКБ, даъвати сеюм, чорум ва шашум мебошад. Бо медали «Хидмати шоиста» сарфароз гардонида шудааст. Оиладор ва соҳиби чор фарзанд мебошад[1]

Фаъолияти корӣ[вироиш | вироиши манбаъ]

  • 1995—1997 — Муҳандиси Институти илмӣ- тадқиқотии «Тоҷикгидроэнергопроект»
  • 1997—2002 — Сардори раёсати Федератсияи байналмилалии Ҷамъиятҳои Салиби Сурх ва Ҳилоли Аҳмар дар Тоҷикистон ва Осиёи марказӣ
  • 2002—2003 — Сармутахассиси департаменти сафарбаркунии захираҳои Сардафтари Федератсияи байналмилалии Ҷамъияти Салиби Сурх ва Ҳилоли Аҳмар дар шаҳри Женеваи Швейтсария
  • 2003—2004 —Машваратчии Бонки умумиҷаҳонӣ, шаҳри Душанбе
  • 2004—2005 — Роҳбари бахши маркетинги Барномаи рушди соҳибкорӣ USAID-PRAGMA
  • 05.2006 — 08.2006 — Мутахассиси шўъбаи фурўш ва таъминоти Созмони Милали Мутаҳид дар шаҳри Ню — Йорки ИМА
  • 2006—2007 — Роҳбари Ташкилоти Фокуси кўмаки башардӯстона дар Тоҷикистон
  • 2007—2020 — Директори генералии ҶСШК «Помир — Энерҷӣ», аз соли 2019 то ноябри соли 2020 роҳбари минтақавии лоиҳаҳои энергетикии Сандуқи рушди иқтисодии Оғохон дар Осиё, солҳои 2012—2014 узви Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ

Аз 3 ноябри соли 2020 Вазири энергетика ва захираҳои оби Ҷумҳурии Тоҷикистон.[2]

Эзоҳ[вироиш | вироиши манбаъ]

  1. Ҷумъа Далер Шофақир(тоҷ.). 10 марти 2021 санҷида шуд.
  2. НОВЫЕ ЛИЦА В ПРАВИТЕЛЬСТВЕ ТАДЖИКИСТАНА. КТО ОНИ?. SugdNEWS (5 ноябри 2020). 6 сентябри 2023 санҷида шуд.