Дилафрӯз Сангинова

Мавод аз Википедиа — донишномаи озод
Jump to navigation Jump to search
Дилафрӯз Сангинова
Дилафрӯз Абдурабиевна Сангинова
Санаи таваллуд:

28 январ 1975(1975-01-28) (44 сол)

Зодгоҳ:

Хуҷанд, ҶШС Тоҷикистон, СССР

Мамлакат:

 Тоҷикистон

Фазои илмӣ:

технология

Дараҷаи илмӣ:

номзади илмҳои техникӣ

Унвонҳои илмӣ:

дотсент

Дилафрӯз Абдурабиевна Сангинова - олим, номзади илмҳои техникӣ, директори Донишкадаи политехникии Донишгоҳи техникии Тоҷикистон ба номи академик М.Осимӣ дар ш. Хуҷанд (2014) [1]

Зиндагинома[вироиш]

Дилафрӯз Абдурабиевна Сангинова 28 январи 1975 дар шаҳри Хуҷанди вилояти Суғд дар оилаи хизматчӣ ба дунё омадааст. Пас аз хатми мактаби таҳсилоти умумии №8 шаҳри Хуҷанд соли 1991 ба филиали хуҷандии Донишгоҳи техникии Тоҷикистон ба номи академик М.С.Осимӣ ба ихтисоси технологияи маҳсулоти дузандагӣ дохил шуда, онро соли 1996 бо ихтисоси муҳандис-технологӣ маснуоти дӯзандагӣ бомуваффақият хатм намудааст. Фаъолияти меҳнатиашро соли 2001 аз вазифаи ассистенти кафедраи технологияи саноати сабук дар филиали хуҷандии Донишгоҳи технологии Тоҷикистон оғоз намуда, дертар омӯзгори калони кафедраи мазкур буд. Аз соли 2004 то 2008 мудири сикли бофандагӣ, расм ва дизайни ФХДТТ, солҳои 2008-2010 мудири кафедраи «Тарҳрезии маснуоти дӯзандаги»-и филиали хуҷандии Донишгоҳи технологии Тоҷикистон, аз соли 2010 то 2012 мудири кафедраи технология ва тарҳрезии саноати сабук дар ДПДТТ ба номи академик М. Осимӣ дар шаҳри Хуҷанд фаъолият бурдааст. Аз соли 2012 то ноябри 2014 вазифаи сардори маркази тестии донишкадаро ба зима дошт. Аз моҳи ноябри 2014 то ҳол директори Донишкадаи политехникии Донишгоҳи техникии Тоҷикистон ба номи академик М.Осимӣ дар ш. Хуҷанд мебошад. Оиладор, соҳиби се фарзанд мебошад.[2]

Моҳи ноябри 2011 рисолаи номзадии худро дар мавзъӯи «Проектирование современной национальной одежды на основе бесконтактных методов измерения женских фигур» тахассуси 05.19.04 - технологияи маҳсулоти дӯзандагӣ дар шаҳри Москави Федератсияи Русия дифоъ намудааст. Муаллифи зиёда аз 32 корҳои илмӣ аз ҷумла 22 мақола, 9 китоби дарсӣ, 1 шаҳодатномаи зеҳнӣ мебошад. Ду маротиба бо мақсади таҷрибаандӯзӣ дар департаменти “Textile clothing & design” Университети Линколни штати Небраскаи ИМА тахсили илм кардааст. Таҷрибаи дар UNL гирифта, барои дар сатҳи баланд тайёр намудани мутахассисони соҳаи дӯзандагӣ ба ӯ мадад намуд, солҳои 2006, 2008 ва 2009 бо барномаи Эразмус Мундус дар кафедраи бофандагии университети де Виго, шаҳри Понтеведраи Испания таҷрибаандӯзӣ намудааст, дар шаҳри Стокголми Шветсия, дар шаҳри Турини Италия бо лоиҳаи Темпус дар семинарҳои технологияи информатсионӣ иштирок дошт. Бо ёрии таҷрибаю малакаи пайдокардаи хеш дар раванди таълим низомҳои автоматикунонии лоиҳакашии либосро ҷорӣ намудааст. Дар ташкили парки технологӣ, маркази тестӣ, инчунин барои таҳия ва корбасти барномаҳо дар системаи имтиҳони марказонидашуда саҳмгузор мебошад.

Мукофот[вироиш]

Бо ифтихорномаҳои Вазорати маориф ду маротиба қадрдонӣ шудааст.

Пайвандҳои беруна[вироиш]