Донишкадаи политехникии Донишгоҳи техникии Тоҷикистон ба номи академик М.Осимӣ дар ш. Хуҷанд

Мавод аз Википедиа — донишномаи озод
Jump to navigation Jump to search
Донишкадаи политехникии
Донишгоҳи техникии Тоҷикистон
Номи аслӣ

Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд (ДПДТТХ)

Номи байналмилалӣ

Khujand Polytechnical Institute of Tajik Technical University

Навъ

давлатӣ

Директор

Саиди Дилафрӯз Раббизода

Донишҷӯён

4164 [1]

Омӯзгорон

187

Мавқеъ

Хуҷанд,Суғд,Тоҷикистон
хиёбони Исмоили Сомонӣ

Сайт

polytech.tj

Commons-logo.svg Аксҳо дар мавзуи дар Викианбор
*
Шумо донишҷӯ ё омӯзгор? Дар лоиҳаи Мактабҳо ва донишгоҳҳо иштирок кунед.

Донишкадаи политехникии Донишгоҳи техникии Тоҷикистон ба номи академик М.Осимӣ дар ш. Хуҷанд (ДПДТТХ) — яке аз донишкадаҳои таҳсилоти олии касбии Тоҷикистон мебошад.

Маълумоти мухтасар[вироиш]

Донишкада соли 2010 дар ш. Хучанд таъсис ёфтааст. Мақоми донишкада мактаби олии касбӣ буда, дорои иҷозатномаҳои (литсензияҳои) давлатии Вазорати маорифи Ҷумҳурии Тоҷикистон оид ба ҳуқуқи пешбурди фаъолияти таълимӣ дар соҳаи таҳсилоти олии касбӣ ва Шаҳодатнома дар бораи аккредитатсияи давлатӣ мебошад.

Таърих[вироиш]

Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд (ДПДТТХ) соли 2010 дар натиҷаи якҷояшавии ду филиали донишгоҳҳо - филилали Донишгоҳи техникии Тоҷикистон ба номи Муҳаммад Осимӣ ва филиали Хуҷандии Донишгоҳи технологии Тоҷикистон ташкил шудааст.

Дар донишкада 4 факултет ва 12 кафедра барои такомули дониши шогирдон фаъолият доранд. Дар онҳо беш аз 185 нафар устодон, ки зиёда аз 48 фоизашон унвони илмӣ доранд, фаъолият бурда, 4164 нафар донишҷӯёнро таълим медиҳанд.

Донишкада мутахассисони соҳаҳои иқтисодиёт, энергетика, сохтмон ва нақлиёт, технологияҳои компютерӣ, технологияи истеҳсол ва коркарди маҳсулоти кишоварзӣ, технологияи маводи хӯрока, технологияи саноати сабукро тайёр менамояд.

Донишкада тамоми имкониятҳои моддӣ ва техникиро дорост. Дар донишкада беш аз 36 лаборатория, 157 кабинетҳои тахассусӣ ва лингофонӣ, таҷҳизоти намоишдиҳии бо антен парабол пайваст, 33 синфи компютерӣ мавҷуданд. Донишкада дорои зиёда аз 1300 компютерҳои муосири ба Шабакаи интернет пайваст мебошад. Толори варзишии донишкада дар вилоят яке аз беҳтаринҳо аст. Теъдоди китобҳои 4 китобхонаи таълимгоҳ 112 ҳазор нусха ва 53010 адад дар китобхонаи рақамиро дар бар мегиранд. Донишкада узви Ассосиатсияи байналхалқии донишкадаҳо мебошад. Донишкада бо мактабҳои олии Федератсияи Россия оид ба ҳамкорӣ шартномаҳои дарозмӯҳлат бастааст, ки имконияти даъвати мутахассисон ва профессорони онҳоро дорад. Донишкада 237 шартномаҳои тарафайн бо созмону ташкилотҳои байналмилаӣ ва МТОК-ҳои хориҷиро дорост,

-ки 11 тои он барои таҷрибаомӯзии донишҷӯён ва омӯзгорон ба мисоли JDEast, Praktikum Global, Logo e.V, PRAXX;

-19 то барнома барои таҳсил ва тадқиқот дар хориҷа ба мисоли Erasmus+, DAAD.

Маркази мартабаи донишкада бо корхонаву ташкилотҳои ҳудуди вилоят ва берун аз он дар робитаи мустақим буда, миқдори шартномаҳои тарафайн 324 ададро ташкил медиҳад.

Факултаҳо[вироиш]

Дар донишкада 4 факултет фаъолият дорад:

  • Муҳандисӣ-иқтисодӣ (ФМИ)
  • Информатика ва энергетика (ФИЭ)
  • Муҳандисӣ-технологӣ (ФМТ)
  • Сохтмон ва нақлиёт (ФСН)

Директорони донишкада[вироиш]

Пайвандҳои беруна[вироиш]

  • http://www.khujand.tj/index.php?option=com_content&view=article&id=2463:muloqot&catid=36:navgoni&Itemid=182&lang=ru