Заррагул Искандарова

Заррагул Искандарова
Заррагул Искандарова
Таърихи таваллуд:	27 апрел 1938
Зодгоҳ:	ноҳияи Рӯшон, Вилояти мухтори Кӯҳистони Бадахшон, ҶШС Тоҷикистон, ИҶШС;
Таърихи даргузашт:	17 июн 2016 (78 сол)
Маҳалли даргузашт:	Хоруғ, Тоҷикистон;
Касб:	раққоса, ҳунарпешаи театр
Ҷоизаҳо:	Ҳунарпешаи хидматнишондодаи ҶШС Тоҷикистон (1979) Ҳунарпешаи халқии Тоҷикистон (1991)

Заррагул Искандарова (27 апрели 1938, деҳаи Емс, ноҳияи Рӯшон, ВМКБ — 17 июни 2016, Хоруғ) — ҳунарпешаи театр ва раққосаи тоҷик, Ҳунарпешаи шоистаи ҶШС Тоҷикистон (1979), Ҳунарпешаи халқии Тоҷикистон (1991).

Зиндагинома

Мулкамонова Заррагул Искандаровна 27 апрели соли 1938 дар деҳаи Емс, дар ноҳияи Рӯшони ВМКБ дар хонаводаи аҳли ҳунару фарҳанг ба дунё омадааст^[1]^[2]. Падараш Искандар зодаи ҳамин деҳа буда, ҳунарпеша буд ва дар аспдавонӣ ҳам яке аз беҳтарин чобуксаворон буд. Модараш Марворид аз деҳаи Поршиневи ноҳияи Шуғнон буд. Заррагул дар муҳите пур аз созу овоз ба воя расид.

Институти давлатии театрӣ-бадеии ба номи А. Островскийи шаҳри Тошкандро соли 1964 ба итмом расондааст.

Хонавода

Заррагул Искандарова панҷ фарзанд — як писар ва чаҳор духтар дошт. Ҳама фарзандонаш донишомӯхтаи донишгоҳ ҳастанд, вале ҳеч кадомаш роҳи модарро пеш нагирифтааст^[2].

Корнома

Фаъолияти корииашро соли 1956 чун раққосаи Филармонияи давлатии Тоҷикистон оғоз намуда, то соли 1959 идома додааст. Аз соли 1965 дар Театри мусиқӣ-мазҳакаи шаҳри Хоруғ ба сифати ҳунарпеша ва раққоса ҳунарнамоӣ кардааст. Дар саҳнаи ин театр симои занони гуногунсолу гуногунхислатро офарида, ба бинанда ҷаҳони ботинии қаҳрамононашро кушодааст. «Қишлоқи тиллоӣ», «Тошбек ва Гулқурбон», «Гулҳои сиёҳ», «Мо аз Боми Ҷаҳон», «Ашрофпараст», «Ақида» аз зумраи намоишномаҳоанд, ки дар онҳо нақши асосӣ бозидааст. Аммо бештар ҳамчун раққоса ном ёфтааст, рақсҳои халқии помирӣ (шуғнонӣ, рӯшонӣ, ишкошимӣ, бартангӣ ва ғайра) бо тамоми назокату фасоҳат аз сӯяш адо мешуданд, рақсҳои умумии зиёдро таҳия намудааст^[3].

Даргузашт

Заррагул Искандарова рӯзи 17 июни соли 2016 дар 78-солагӣ даргузашт^[4].

Ҷоизаҳо

Бо Грамотаи Фахрии Президиуми Совети Олии Тоҷикистон тақдир шудааст.

Эзоҳ

↑ Хранительница. Как Заррагул Искандарова отдала жизнь народным танцам. asiaplustj.info. ASIA-Plus (9 Январ 2022). 18 Январ 2024 санҷида шуд.
↑ ^2.0 ^2.1 Заррагул Искандарова бо пои баста дар саҳна(тоҷ.). Sputnik Тоҷикистон (27 апрели 2022). 18 Январ 2024 санҷида шуд.
↑ Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.
↑ Заррагул, ҳунарманди мардумии Тоҷикистон даргузашт. Озодагон (18 июни 2016). 18 Январ 2024 санҷида шуд.

[1] Хранительница. Как Заррагул Искандарова отдала жизнь народным танцам. asiaplustj.info. ASIA-Plus (9 Январ 2022). 18 Январ 2024 санҷида шуд.

[:0-2] 2.0 ^2.1 Заррагул Искандарова бо пои баста дар саҳна(тоҷ.). Sputnik Тоҷикистон (27 апрели 2022). 18 Январ 2024 санҷида шуд.

[3] Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.

[4] Заррагул, ҳунарманди мардумии Тоҷикистон даргузашт. Озодагон (18 июни 2016). 18 Январ 2024 санҷида шуд.

[1]

[2]

[3]

[4]