Мурод Муродӣ

Мавод аз Википедиа — донишномаи озод
Jump to navigation Jump to search
Мурод Муродӣ
Мурод Бердиевич Муродов
Санаи таваллуд:

1 май 1965

(53 сол)
Зодгоҳ:

ноҳияи Айнӣ, ҶШС Тоҷикистон, СССР

Мамлакат:

 Тоҷикистон

Фазои илмӣ:

таърих ва назарияи журналистика

Ҷойҳои кор:

Донишгоҳи миллии Тоҷикистон

Дараҷаи илмӣ:

доктори илмҳои филология

Унвонҳои илмӣ:

профессор

Алма-матер:

Донишгоҳи миллии Тоҷикистон

Мукофоту ҷоизаҳо:

Аълочии матбуоти Ҷумҳурии Тоҷикистон (2002), Аълочии фарҳанги Ҷумҳурии Тоҷикистон (2009) ва барандаи ҷоизаи Иттиҳодияи журналистони Тоҷикистон ба номи Абулқосим Лоҳутӣ (2010)

Мурод Бердиевич Муродов (1 майи соли 1965 - олим, журналист, доктори илмҳои филология (2009) , профессор (2010). Аълочии матбуоти Ҷумҳурии Тоҷикистон (2002), Аълочии фарҳанги Ҷумҳурии Тоҷикистон (2009) ва барандаи ҷоизаи Иттиҳодияи журналистони Тоҷикистон ба номи Абулқосим Лоҳутӣ (2010).[1]

Зиндагинома[вироиш]

Мурод Муродӣ хатмкардаи факултети журналистика ва тарҷумонии Донишгоҳи миллии Тоҷикистон (1992) ва аспирантураи ДМТ (1992 – 1995) аст. Аз соли 1996 дар ҳамин донишгоҳ ба фаъолияти омўзгорӣ пардохтааст: ассистент, омӯзгор, (1996-1998), дотсент (1999), профессори кафедра ( 2010). Солҳои 1996-1999 муовини декани факултети журналистика ва тарҷумонӣ оид ба таълим ва аз соли 1999 – 2011 дар вазифаи мудири кафедраи матбуоти Донишгоҳи миллии Тоҷикистон фаъолият кардааст ва ҳоло профессори ҳамин кафедра мебошад. Ӽамзамон солҳои 2000 – 2002 дар вазифаи муовини сардабир ва солҳои 2002 – 2004 сардабири нашрияи «Қалам» фаъолият намудааст. Аз декабри соли 2013 дар Пажўҳишгоҳи фарҳанг ва иттилооти Вазорати фарҳанги Ҷумҳурии Тоҷикистон ба сифати мудири шуъбаи ахбори омма ва табъу нашр ҳамкорӣ менамояд. Аз соли 2014 вазифаи муҳаррири маҷаллаи илмию таҳилии «Паёмномаи фарҳанг» -ро ба дўш дорад. Узви Иттиҳодияи рўзноманигорони Тоҷикистон (2001) аст.

Фаъолияти илмӣ[вироиш]

Соли 1996 дар мавзўи «Ташаккули жанри тақризи адабӣ дар матбуоти даврии точик (1920-1940)» рисолаи номзадӣ ва соли 2009 дар мавзўи «Публитсистикаи ҳаҷвии тоҷик (масъалаҳои таърих, назария ва амалия)» рисолаи докториро бомуваффақият дифоъ намуда, ба дарёфти дараҷаи илмии доктори илмҳои филологӣ мушарраф гардидааст. Соли 2013 дипломи профессориро аз ВАК –и Россия соҳиб шудааст. Муаллифи 14 китоб ва беш аз 200 мақолаи илмӣ ва публитсистӣ мебошад, ки: «Тақриз ҳамчун жанр» (1999), «Ҳаҷви публитсистӣ» (2003), «Асосҳои фаъолияти эҷодии журналист» (2004 ҳаммуаллиф), «Баъзе масъалаҳои журналистика ва ҳаҷви публитсистӣ» ( 2005), «Аз таърихи ташаккул ва инкишофи ҳаҷви публитсистӣ дар матбуоти даврии тоҷик» (2007), «Асосҳои фаъолияти эҷодии журналист» (қ.1. 2007; қ. 2, 2008), «Сотсиологияи журналистика» (2009), «Аз замон то замон» (2010), «Публицистическая сатира в таджикской периодической печати (пробемы истории, теории и практики)» (2011), «Луғати мухтасари истилоҳот ва мафҳумҳои рўзноманигорӣ» (2011), «Сотсиологияи журналистика» (2012), «Асосҳои эҷодии журналистӣ» (2014), «Аз се шохаи як илм» (2014) аз он қабиланд. Зери роҳбарии ӯ 6 нафар рисолаи номзадӣ дифоъ намудаанд.[1]

Мукофот ва ҷоизаҳо[вироиш]

Аълочии матбуоти Ҷумҳурии Тоҷикистон (2002), Аълочии фарҳанги Ҷумҳурии Тоҷикистон (2009) ва барандаи ҷоизаи Иттиҳодияи журналистони Тоҷикистон ба номи Абулқосим Лоҳутӣ (2010).[2]

Пайвандҳо[вироиш]

Эзоҳ[вироиш]

  1. 1.0 1.1 МУРОДОВ МУРОД БЕРДИЕВИЧ
  2. Энсиклопедияи олимони Донишгоҳи миллии Тоҷикистон. – Душанбе, 2008