Оқохони IV

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Шоҳ Карим ал-Ҳусайнӣ Оқохони IV
арабӣ: سمو الأمیر شاہ کریم الحسیني آغا خان الراب
Шоҳ Карим ал-Ҳусайнӣ Оқохони IV
Парчам
Имоми исмоилиён
аз соли 1957
Пешгузашта: Оқохони III
 
Эътиқод: исмоилиён
Саннаи таваллуд: 13 декабр 1936(1936-12-13)[1] (81 сол)
Падар: Шоҳ Али Салмон Хон
Модар: Бегим Таҷуддаула (Ҷоан) Оқохон, духтари лорди бритониёгӣ Чёрстон
Ҳамсар: 1. Бегим Салима Оқохон
2. Бегим Инора Оқохон
Фарзандон: Писарон: шаҳзода Раҳим Оқохон,
шаҳзода Ҳусейн Оқохон,
шаҳзода Алӣ Муҳаммад Оқохон
Духтар: шаҳдухт Заҳро Оқохон
Маълумот:

Шоҳ Карим ал-Ҳусайнӣ Оқохони IV (арабӣ: سمو الأمیر شاہ کریم الحسیني آغا خان الراب‎; 13 декабри 1936, Женева, Швейсария) — имоми ҳозири шиъиёни исмоилии низорӣ аст ки пас аз бобояш Султон Муҳаммадшоҳ Севумин Оқохон дар 11 июли соли 1957 дар 20-солагӣ пешвои рӯҳонии исмоъилиёни ҷаҳон шуд. Вай чиҳилу нӯҳумин имоми исмоилиёни низорӣ аст.

Зиндагинома[вироиш]

Шоҳ Карим ал-Ҳусайнӣ 13 декабри соли 1936 дар Женеви Швейсария дар хонаводаи Шоҳзода Алӣ Салмонхон ва бону Тоҷуддавла Алихон зода шудааст.

Ӯ 49-умин имоми шиъаёни исмоилӣ ба шумор меравад, ки дар воқеъ насли 49-ум аз фарзандони Алӣ ибни Абӯтолиб ва Фотимаи Заҳро (духтари гиромии ҳазрати Муҳаммад (с)) маҳсуб мешавад, ки пас аз падарбузургаш Муҳаммадшоҳи Оқохон, дар синни 20-солагӣ ва дар 11 июли 1957 ба имомат расид. Вай донишомӯхтаи Донишгоҳи Ҳорворд дар риштаи таърихи ислом аст[2].

Оқохон яке аз сарватмандтарин мусалмонони ҷаҳон аст ва ҳамакнун 32-умин фарди сарватманди Ангилистон ба шумор меравад. Вай сармояи зиёдеро дар нуқоти фақир ва дурафтодаи дунё харҷ карда ва мекунад. Ҳамчунин талош дорад, то чеҳраи ғайри хушунатомез аз исломро ба маърази диди ҷаҳониён бигузорад. Ӯ ҳамчунин сарвати худро барои тарвиҷи иқтисоди худпойдор дар кишварҳои дар ҳоли тавсиа харҷ мекунад[2].

Оқохони IV дар ҷавонӣ варзишкор буд ва дар риштаи эски (лыжный спорт) маҳорати хоссе дошт ва дар олимпиёди зимистонии соли 1964 дар Утриш (Австрия) ба намояндагӣ аз Эрон дар се ришта: эскии суръат, морпеч ва морпечи бузург ширкат кард. Ӯ яке аз чаҳор варзишкори эронии ширкаткунанда дар ин олимпиёд буд[2].

Оқохони IV муддате ҳам масъули кумакҳои кишоварзии Созмони Милали Муттаҳид будааст[2].

Ӯ поягузори Муассисаи мутолеоти исмоилӣ, Маркази ҷаҳонии касратгароӣ (плюрализм), Донишгоҳи Осиёи Миёна ва Донишгоҳи Оқохон мебошад. Ва ҳамчунин молики «Шабакаи тавсиаи Оқохон» (AKDN) аст. Фаъолияти шабакаи ӯ дар кишварҳои ҷаҳони севвум аз ҷумла Тоҷикистон аст[2].

Оқохон чаҳор фарзанд дорад: шаҳдухт Заҳро Оқохон, шаҳзода Раҳим Оқохон ва шаҳзода Ҳусейн Оқохон аз Бегим Салима Оқохон ва шаҳзода Алӣ Муҳаммад Оқохон аз Бегим Инора Оқохон[3].

Унвону мукофотҳо[вироиш]

Ӯ то кунун аз кишварҳои гуногуни қораи Осиё, Африқо ва Амрико ҷоизаҳои зиёдеро сазовор шудаанд.

Эзоҳ[вироиш]

  1. http://www.sports-reference.com/olympics/athletes/ag/karim-prince-aga-khan-1.html
  2. 2.0 2.1 2.2 2.3 2.4 Саидюнуси Истаравшанӣ. Оқохони IV(тоҷ.), Кимиёи саодат (12 Декабри 2017). Проверено 12 Декабри 2017.
  3. Его Высочество Ага-хан IV: 10 фактов о единственном принце ЦА(рус.). theopenasia.net. 12 Декабри 2017 санҷида шуд.

Пайвандҳо[вироиш]