Раҳматулло Раҳмонов

Мавод аз Википедиа — донишномаи озод
Jump to navigation Jump to search

{{Олим |ном = Раҳматулло Раҳмонов |номи аслӣ = |тасвир = |бар = |тавсифи тасвир = |санаи таваллуд = 28.3.1963 |зодгоҳ = деҳаи Андароби ноҳияи Кӯлоб, вилояти Кӯлоб, ҶШС Тоҷикистон |санаи марг = 11.7.2018 |маҳалли марг = деҳаи Андароби ноҳияи Кӯлоб, вилояти Хатлон, Тоҷикистон |шаҳрвандӣ =  Тоҷикистон |фазои илмӣ = тиб |ҷойҳои кор = |дараҷаи илмӣ = Шаблон:Профессор

Раҳматулло Раҳмонов (Раҳмонов Раҳматулло Азизович; 28 марти 1963, деҳаи Андароби ноҳияи Кӯлоб, вилояти Кӯлоб, ҶШС Тоҷикистон — 11 июли 2018, ҳамон ҷо) — пизишк ва донишманди тоҷик, доктори илмҳои тиб.

Зиндагинома[вироиш]

Профессор Раҳмонов Раҳматулло Азизович 28 марти соли 1963 дар деҳаи Андароби ноҳияи Кӯлоб, вилояти Хатлони Ҷумҳурии Тоҷикистон таваллуд ёфтааст.

Соли 1980 мактаби миёнаи № 11 ноҳияи Кӯлобро хатм намудааст.

Баъд аз хатми мактаби миёна ба факултаи тиббии Донишгоҳи далатии тиббии Тоҷикистон ба номи Абуалӣ ибни Сино дохил шуда онро соли 1978 хатм менамояд.

Аз соли 1987 дар шуъбаи асабшиносии Беморхонаи ҷумҳуриявии № 3 фаъолият кардааст.

Аз соли 1988 то соли 1993 ба ҳайси духтури асабшинос дар беморхонаи шаҳрии шаҳри Кӯлоб фаъолият намуда, ҳамзамон дар Колеҷи тиббии шаҳри Кӯлоб дарс меомӯзонад.

Даргузашт[вироиш]

Рӯзи 11 июли соли 2018 аз дунё даргузаштааст.

Фаъолияти илмӣ[вироиш]

Соли 1990 ба Донишкадаи илмӣ-тадқиқотии ирсияти тиббии Маркази илмии дар Томск будаи Акдемияи илмҳои тиббӣ Федератсияи Россия дохил шуда, дар мавзӯи «Таҳлили дармонӣ-ирсӣ ва молекулярии миодистрофияи Дюшенн дар Тоҷикистон» рисолаи илмӣ ҳимоя намуда, соҳиби унвони номзади илми тиб мегардад.

Соли 2004 дар Муассисаи давлатии Донишкадаи илмӣ-тадқиқотии асабшиносии Академияи илмҳои тибби Федератсияи Россия дар мавзӯи «Бемориҳои ирсии системаи асаб дар Ҷумҳурии Тоҷикистон» диссертатсия ҳимоя намуда соҳиби унвони доктори илми тиб мегардад.

Раҳматулло Азизович дар давоми фаъолияти корӣ ба ҳайси ноиби Президенти Академияи илмҳои тибби Тоҷикистон, аъзои Шуъбаи Тоҷикистонии Академияи Байналмилалии Илми Мактабҳои Оллӣ, сармутахассис ва Сардори Раёсати робитаҳои байналмилалии Вазорати тандурустӣ ва ҳифзи иҷтимоии Ҷумҳурии Тоҷикистон, Раиси Ҷамъияти асабшиносони ҷумҳурӣ «Нейрон» фаъолият намуда, аз соли 2007 то охири умр кафедраи асабшиносӣ ва асосҳои ирсияти тиббии Донишгоҳи далатии тиббии Тоҷикистон ба номи Абуалӣ ибни Сино роҳбарӣ намудааст.

Ҷамъияти «Нейрон», ки яке асосгузорони он Раҳматулло Азизович буд ва онро роҳбарӣ менамуд, дар айни замон зиёда аз 600 асабшиносонро муттаҳид намуда, бо ҳамкасбон аз давлатҳои гуногуни ИДМ, бахусус бо муассисаҳои илмии асосии соҳавӣ, ба монанди Маркази илмии асабшиносии Акдемияи илмҳои тибби Россия алоқаи зичи илмӣ дорад. Ҷамъият яке аз муассиони Ассосиатсияи байналмилалии ташкилот дар соҳаи асабшиносӣ ва ҳуҷайраҳои асаб мебошад. Раҳматулло Азизович муаллифи зиёда аз 200 мақолаҳо ва пешнависҳо, 2 рисолаи илмӣ ва китоби дарсӣ, 22 дастурҳои таълимӣ-методӣ ва 13 дастурҳои методӣ буда, таҳти роҳбарии ӯ 3 диссертатсияи номзадӣ ҳимоя карда шудааст.

Вай яке аз олимон ва табибони беҳтарини ҷумҳурӣ муаррифӣ гашта, мақолаҳои илмии ӯ дар нашрияҳои ватанӣ ва хориҷӣ чоп гардида, аъзои кумитаҳои илмии симпозиумҳои байналмиллалӣ, аз ҷумла Конгресси байналмиллаии нейрофизиологияи мамлакатҳои ИДМ, СҲШ, Осиё ва Аврупо интихоб шуда буд.

Бо ташаббуси вай бори аввал дар давраи соҳибистиқлолии Тоҷикистон дар шаҳри Душанбе Конфронси байналмилалӣ бо иштироки асабшиносони Тоҷикистон, Россия, Қазоқистон, Грузия ва дигар давлатҳо баргузор гардид, ки дар он усулҳои нави табобат ва ташхиси бемориҳои асаб баррасӣ гардиданд.

Ҷоизаҳо[вироиш]

Бо мукофоти фахрии «Аълочии тандурустӣ Ҷумҳурии Тоҷикистон», «Аълочии маорифи Ҷумҳурии Тоҷикистон» ва нишони «Хизмати Шоиста» сарфароз гардидааст.

Эҷодиёт[вироиш]

Раҳматулло Азизович муаллифи зиёда аз 200 мақолаҳо ва пешнависҳо, 2 рисолаи илмӣ ва китоби дарсӣ, 22 дастурҳои таълимӣ-методӣ ва 13 дастурҳои методӣ буда, таҳти роҳбарии ӯ 3 диссертатсияи номзадӣ ҳимоя карда шудааст.

Диссертатсияи номзади илми тибб: «Таҳлили дармонӣ-ирсӣ ва молекулярии миодистрофияи Дюшенн дар Тоҷикистон» 
Диссертатсияи доктори илми тиб:«Бемориҳои ирсии системаи асаб дар Ҷумҳурии Тоҷикистон»

Эзоҳ[вироиш]