Сайидризо Ализода

Саидризо Ализода
Саидризо Ализода
Таърихи таваллуд:	15 феврал 1887
Зодгоҳ:	Самарқанд, генерал-губернатории Туркистон, Русияи подшоҳӣ;
Таърихи даргузашт:	24 декабр 1945 (58 сол)
Маҳалли даргузашт:	Боку, ҶШС Озарбойҷон, ИҶШС;
Навъи фаъолият:	нависанда, рӯзноманигор, тарҷумон

Сайидризо Ализода (15 феврал 1887, Самарқанд, генерал-губернатории Туркистон — 24 декабр 1945, Боку) — рӯзноманигор, воқеанигор, мутарҷим, забоншинос ва омӯзгори тоҷик.

Зиндагинома

Ализода Сайидризо 15 феврали 1887, маҳаллаи Боғи шамоли шаҳри Самарқанд ба дунё омадааст. Мактаби усули ҷадидро хатм кардааст (1912), иштирокчии фаъоли корпартоиҳои коргарони Самарқанд (1905—1907), коргари корхонаи бофандагӣ, ҳуруфчини матбааҳои Самарқанд (1909—1919), котиби якӯми ҳизби болшевикии н. Боғи шамоли ш. Самарқанд, муҳаррири аввалин нашрияи шӯравии тоҷикӣ «Шӯълаи инқилоб» (1919—1921), муаллими забони арабӣ, форсӣ ва тоҷикӣ Донишгоҳи давлати Самарқанд (1933—1937)^[1]

Эҷодиёт

Mуаллифи аввалин алифбои тоҷикӣ «Китоби нахустин», «Дабистони тоҷик» (1920), «Сарфу наҳви тоҷикӣ» (1926), муҳаррир ва мураттиби аввалин луғати русӣ-тоҷикӣ (ду ҷилд, 1933 −1934), муаллифи маҷмӯаи мақолаҳои публисистии «Ба ҳам бипайвандед, эй ранҷбарони ҳамаи ҷаҳон!», «Сарватмандон навмед мешаванд», «Инглиспарварон бихонанд», «Имрӯз наврӯз аст», «Ба муносибати хабарҳои Бухоро», «Мотами бузург» (дар бораи ба таври фоҷиавӣкушта шудани Маҳмудхоҷа Беҳбудӣ, 1919) ва ғ., шеърҳои «Зан ва мулло», «Ба порахӯр», «Бойамак», «Марсияҳои мушфиқона ба фаранҷӣ». Чун донандаи забҳои арабӣ, форсӣ, русӣ, узбеки, тоторӣ, туркӣ, курдӣ асарҳои «Сад фоиз»-и нависандаи амрикоӣ Эптон Синклер (1934), «Дубровский» (1935), «Духтари капитан» (1936), «Моткаи қарамашшоқ» (1937), «Ҳикояҳои Белкин»-и А. С. Пушкин (1938), «Семент»- и Ф. Гладков (1936), «Пӯлод чӣ тавр обутоб ёфтааст»-и Н. Островский (1937), «Каждум аз меҳроб»-и адиби ӯзбек Абдулло Қодириро (1938) ба тоҷикӣ гардонидааст, аввалин тарҷумон ва муҳаррири асарҳои классикони марксизм-ленинизм.^[2]

Некдошт

Соли 1997 ба муносибати 100-умин солгарди таваллудаш дар шаҳри Самарқанд хона-музеи Сайидризо Ализода таъсис ёфтааст. Дар Тоҷикистон асарҳои тарҷуманамуда ва маҷмӯаи мақолаҳои публисистии Сайидризо Ализода ҳамчун мероси адабӣ омӯхта мешаванд.^[2]^[3]

Эзоҳ

↑ Аслҳо ва наслҳо. — Душанбе, 2013. — С.22-23 — 184 с. — ISBN 978-99947-958-2-6
↑ ^2.0 ^2.1 САИДРИЗО АЛИЗОДА tojnews(пайванди дастнорас)
↑ нусхаи бойгонӣ. 10 май 2014 санҷида шуд. Баргирифта аз сарчашмаи аввал 23 октябри 2014.

Пайвандҳо

Сайидризо Ализода — Вадуд Махмуди

[1] Аслҳо ва наслҳо. — Душанбе, 2013. — С.22-23 — 184 с. — ISBN 978-99947-958-2-6

[САИДРИЗО_АЛИЗОДА_tojnews-2] 2.0 ^2.1 САИДРИЗО АЛИЗОДА tojnews(пайванди дастнорас)

[3] нусхаи бойгонӣ. 10 май 2014 санҷида шуд. Баргирифта аз сарчашмаи аввал 23 октябри 2014.

[1]

[2]

[3]