Сомон Эйр

Мавод аз Википедиа — донишномаи озод
Jump to navigation Jump to search

Сомон Эйр (ба англ. Somon Air) - ширкати ҳавопаймоии «Сомон Эйр» соли 2008 ташкил ёфта, нахустин ширкати ҳавопаймоии миллии тиҷоратиест, ки мусофиркашонӣ, боркашонӣ ва кашондани почтаро амалӣ мегардонад.

Ширкати ҳавопаймоии "Сомон Эйр" маркази таълимии авиатсионии (МТА) худро барои мутахассисони авиатсионии ихтисосҳои гуногун таъсис дод. МТА дар шаҳри Душанбе, дар саридораи ширкати ҳавопаймоии “Сомон Эйр” ҷойгир шуда, кушодашавии он аз рушди фаъоли интиқолдиҳанда ва ҳавасмандии ширкати ҳавопаймоӣ ба омодасозии ҳайати кормандон ва таъмини бехатарии парвозҳо гувоҳӣ медиҳад.

Ширкати ҳавопаймои “Сомон Эйр” расман ба интерлайн-созишномаи бисёрҷонибаи MITA (Multilateral Interline Traffic Agreements) оид ба ҳамлу нақли борҳо, ки дар асоси дастуру қоидањои Ассотсиатсияи байналмилалии нақлиёти ҳавоӣ (IATA) амал мекунад, шомил гардид.

Директори генералии ширкати ҳавопаймоии “Сомон Эйр” Томас В. Ҳаллам II ба Кумитаи Тавсиявии Ассотсиатсияи Байналмилалии Нақлиёти Ҳавоӣ (IATA) шомил шуд.

Парки ширкати ҳавопаймоии “Сомон Эйр” бо як адад чархболи нави Н125 ғанӣ гардид. Калиди чархбол санаи 28-уми октябри соли 2019 дар маросими тантанавӣ дар заводи «Еврокоптер» дар шаҳри Нур-Султони Ҷумҳурии Қазоқистон ба роҳбарияти ширкат супорида шуд.

Санаи 7-уми ноябри соли 2019 ширкати ҳавопаймоии «Сомон Эйр» бо ширкати «Эйрбас» ёддошти ҳусни тафоҳум ба имзо расонид. Дар доираи санади мазкур «Сомон Эйр» тасмим дорад илова ба чархболи Н125, ки аллакай вориди Душанбе гардидааст, 5 адад чархбол (як чархболи H125, ду адад H130 ва ду адад H175) ва ҳавопаймоҳои нави оилаи Airbus-ро аз истеҳсолкунандааш харидорӣ намояд.

21 ноябри соли 2019 дар доираи форуми ҳамасолаи сармоягузории ВТБ Капитал «РОССИЯ ЗОВЕТ!» байни ширкати лизингии ВТБ Лизинг ва ширкати ҳавопаймоии «Сомон Эйр» ёддошти ҳамкорӣ ба имзо расонида шуд. Дар оғози соли 2020 дар доираи маблағгузории лизингӣ оиди ба интиқолдиҳанда дастрас кардани ду адад ҳавопаймои навъи Embraer E190E2 шартнома ба имзо хоҳад расид.

Дар санаи 1 декабри соли 2019 ширкати ҳавопаймоии “Сомон Эйр” нахустин хатсайри мустақимро дар самти Душанбе-Деҳлӣ-Душанбе иҷро намуд.

Дар санаи 18 декабри соли 2019 ширкати ҳавопаймоии «Сомон Эйр» бо ҷоизаи «Бренди сол - 2019» қадрдонӣ шуд. Дар маросими тантанавии ҷоизасупорӣ ширкати ҳавопаймоӣ мукофоти тиллоӣ ба даст овард.

Декабри соли 2019 ширкати ҳавопаймоии "Сомон Эйр" аз Палатаи Клирингии Нақлиёт оид ба эътибори маркази таълимӣ шаҳодатномаро ба даст овард, ки ваколати марказро барои гузаронидани омодагии кормандони иштироккунандагони Системаи ҳисоббаробаркунӣ тасдиқ мекунад.

Мувофиқи сиёсати стратегии худ Сомон Эйр ҳудуди ҷуғрофии парвозҳои худро ботадриҷ васеъ мегардонад. Ҳоло ширкат ба самтҳои гуногуни Русия, Олмон, Туркия, Хитой, Қазоқистон, Узбекистон ва Аморатҳои Муттаҳидаи Араб парвозҳои мунтазамро тавассути тайёраҳои нави ҳавопаймоии навъи «Боинг 737-300», «Боинг 737-800» ва «Боинг 737-900» амалӣ мегардонад[1].

Пайвандҳои беруна[вироиш]

Эзоҳ[вироиш]

  1. http://www.somonair.com/tj/history.htm Таърихи ширкати ҳавопаймоии «Сомон Эйр»