Турсунбой Аҳмадов

Мавод аз Википедиа — донишномаи озод
Турсунбой Аҳмадов
Аҳмадов Турсунбой Абдуллоевич
Таърихи таваллуд 3 январ 1949(1949-01-03) (75 сол)
Зодгоҳ Конибодом, ҶШС Тоҷикистон
Кишвар  Тоҷикистон
Фазои илмӣ кишоварзӣ
Дараҷаи илмӣ: доктори илмҳои кишоварзӣ
Алма-матер ИХҚТ (1971)
Ҷоизаҳо Ордени Шараф

Турсунбой Аҳмáдов (Аҳмадов Турсунбой Абдуллоевич; тав. 3 январи 1949, деҳаи Қарақчиқум, ноҳияи Конибодом) — агрохимик – хокшинос, доктори илмҳои кишоварзӣ (2004), узви вобастаи АИКТ (2009).

Зиндагинома[вироиш | вироиши манбаъ]

Турсунбой Аҳмадов 3 январи соли 1949 дар деҳаи Қарақчиқуми ноҳияи Конибодом ба дунё омадааст. Хатмкардаи ИХҚТ (1971).

Фаъолияти корӣ[вироиш | вироиши манбаъ]

Корманди хурди илмии Институти таҳқиқоти илмии зироат (1971–79), корманди илмии Институти таҳқиқоти илмии боғу токдорӣ (1979–81), ҷонишин (1981–84) ва сардори Сарраё­сати меваву сабзавоти Вазорати меваю сабзавоти Тоҷи­кис­тон (1984–85), мудири шуъ­баи технологияи парвариши сабзавоти Институти таҳқиқоти илмии боғу токдо­рӣ ва сабзавоткорӣ (1986–90), мудири шуъбаи сабзавоткорӣ (1990–92), ҷонишин ва директори Иттиҳо­дияи илмию истеҳсолии «Боғпарвар» (аз соли 1993).

Фаъолияти илмӣ[вироиш | вироиши манбаъ]

Турсунбой Аҳмадов оид ба ривоҷи со­ҳаҳои боғу токдорӣ ва сабзавоткорӣ, истифодаи нури­ҳо, тухмипарварӣ таҳқи­қоти илмӣ анҷом додааст. Турсунбой Аҳмадов ҳам­муаллифи навъҳои нави пиёз («Ҳисорӣ», «Акбарӣ»), помидор («Акбаралӣ», «Муаттар», «Дубара») ва лӯбиё («Ис­теъмолӣ») мебошад. Муаллифи 120 таъли­фоти илмию тавсияномаҳост.

Ҷоизаву ҷоизаҳо[вироиш | вироиши манбаъ]

Бо Ордени «Шараф» (1999) қадр карда шудааст.

Осор[вироиш | вироиши манбаъ]

  • Хусусиятҳо ва технологияи парвариши тухмии зироати сабзавот дар Тоҷикистон. Д., 1997;
  • Таъсири нуриҳо ва дигар омилҳо ба ҷамъшавии нитрат дар маҳсулоти сабзавоту полезӣ. Д., 2001;
  • Парвариши картошка дар Тоҷикистон. Д., 2003;
  • Истифодаи нуриҳо дар кишти зироати сабзавоту полезии Тоҷикистон. Д., 2004;
  • Низоми илмии пешбурди соҳаи кишоварзии Тоҷикистон. Д., 2009;
  • Навъи нави пиёзи «Аброрӣ». Д., 2009;
  • Навъи нави пиёз «Ҳисорӣ». Д., 2010.

Эзоҳ[вироиш | вироиши манбаъ]

Сарчашма[вироиш | вироиши манбаъ]