Фирӯза (маҷалла)

Мавод аз Википедиа — донишномаи озод
Jump to navigation Jump to search

«Фирӯза» — маҷаллаи ҷамъиятиву фарҳанги Ҷумҳурии Тоҷикистон аст.

Нашрияи расмии Вазорати фарҳанги Ҷумҳурии Тоҷикистон мебошад.

  • Ношир - редаксияи маҷаллаи «Фирӯза» ва муассис - Вазорати фарҳанги Ҷумҳурии Тоҷикистон аст.
  • Сармуҳаррир – Саодат Ҳайдарзода.
  • Мавзӯъҳои маҷалла – шарҳу тавзеҳи воқеаҳо дар бораи бонувони Тоҷикистон. Таҳлил ва шарҳи масъалаҳои ҳаёти иҷтимоии занон ва духтарон, саҳми бонувон дар илму маориф ва фарҳанги мамлакат мебошад.
  • Маҷалла ба андозаи А - 4, 4 ҷ.ч. ба забонҳои тоҷикӣ нашр мешавад.
  • Даврият - 12 шумора дар як сол.
  • Маҷалла дар хаҷми 28 саҳифа бо теъдоди бештар аз 1,5 ҳазор нусха нашр мешавад.

Таърих[вироиш]

1 майи соли 1932 шумораи нахустини маҷалла барои занони коргару деҳқон бо унвони «Бо роҳи ленинӣ» бо теъдоди 4000 нусха бо хати лотинӣ нашр шудааст. Ин маҷалла дар тӯли солҳои мавҷудияташ бо номҳои «Занони Тоҷикистони советӣ» ва «Занони Тоҷикистон» низ чоп мешуд. Аз оғози солҳои навадуми асри гузашта маҷалла бо ибтикори сардабири он шоира Мавҷуда Ҳакимова номи «Фирӯза»-ро гирифт. Имрӯз Муассисаи давлатии Маҷаллаи «Фирӯза» нашрияи сиёсию иқтисодӣ ва фарҳангӣ буда, бештар аз хаёт ва фаъолияти бонувон матолиб чоп мекунад. Муассиси маҷалла Вазорати фарҳанги Ҷумҳурии Тоҷикистон мебошад. Мувофиқи ойиннома маҷалла метавонад бо забонҳои русӣ ва англисӣ низ матолиби худро нашр созад. Имрӯз «Фирӯза» яке аз нашрияҳои бонуфузи кишвар буда, дар тамоми манотиқи кишвар хонандагони худро дорад.[1]

Нигаред[вироиш]

Эзоҳ[вироиш]