Фуод Абдураҳмонов

Абдураҳмонов Фуод
Абдураҳмонов Фуод Ҳасанӯғлӣ
Таърихи таваллуд	28 апрел 1915(1915-04-28)
Зодгоҳ	Шаки, Elisabethpol Governorate[d], Caucasus Viceroyalty[d], Русияи подшоҳӣ
Таърихи даргузашт	15 июн 1971(1971-06-15)
Маҳалли даргузашт	Боку
Кишвар	ИҶШС
Пеша	муҷассамасоз, рассом
Ҷоизаҳо
Парвандаҳо дар Викианбор

Фуод Абдураҳмонов (озарбойҷонӣ: Fuad Həsən oğlu Əbdürəhmanov, Фуод Ҳасанӯғлӣ Абдураҳмонов; 28 апрел [11 май] 1915, Шаки, Caucasus Viceroyalty^[d] — 15 июн 1971, Боку) — ҳайкалтароши озарӣ, узви вобастаи Академияи Рассомони СССР (1949), Рассоми халқии ҶШС Озарбойҷон (1955), Ходими хизматнишондодаи санъати ҶШС Озарбойҷон.

Зиндагинома

Хатмкардаи Академияи Рассомони Ленинград (1940). Фаъолияти эҷодиаш ҳанӯз дар солҳои таҳсил оғоз ёфта буд. Соли 1934 ба муносибати 1000-солагии Фирдавсӣ аз рӯйи «Шоҳнома» композитсияи «Тирандоз»-ро офарид. Абдураҳмонов бештар ҳамчун ҳайкалтароши монументалист машҳур аст. Ҳайкалҳои Низомӣ дар Кировобод (1946, Мукофоти давлатии СССР, 1974) ва Боку (1949), нимтанаҳои монументалии Чойбалсан ва Сухэ-Батор (мармар, 1954, оромгоҳ дар Улан-Батор), ҳайкали Самад Вурғун дар Боку (1961), ҳайкали Рӯдакӣ дар Душанбе (1964) ва ғайра, муҷассамаҳои «Озодшавӣ» (дар Боку, 1960), «Чӯпон» (гаҷ, 1950, Мукофоти давлатии СССР, 1951; биринҷӣ, 1951, Нигористони Третяков) аз беҳтарин муҷассамаҳои офаридаи Абдураҳмонов мебошанд. Абдураҳмонов нимтанаҳои портретии В. И. Ленин (мармар, 1955, Музейи таърихи Озарбойҷон, Боку), Садриддин Айнӣ (Вазорати фарҳанги СССР, 1964) ва як қатор портретҳои дигарро офаридааст.

Ҷоизаҳо

Бо 2 орден ва медалҳо сарфароз гардидааст.

Сарчашма

• Абдураҳмонов Фуод // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.