Хайринисо Юсуфӣ

Мавод аз Википедиа — донишномаи озод
Jump to navigation Jump to search
Хайринисо Юсуфӣ
вакили маҷлиси намояндагони мо ҷт

Таваллуд

ш.Панҷакент

Хайринисо Юсуфӣ - ходими давлатӣ, вакили Маҷлиси намояндагони Маҷлиси Олии Ҷумҳурии Тоҷикистон даъвати IV ва даъвати V. Узви фраксияи Ҳизби Халқии Демократии Тоҷикистон дар Маҷлиси намояндагон.

Зиндагинома[вироиш]

Хайринисо Юсуфӣ - 30 марти соли 1964 дар шаҳри Панҷакенти вилояти Суғд, Ҷумҳурии Тоҷикистон таваллуд шудааст.

  • Соли 1986 Донишгоҳи аграрии Тоҷикистон, соли 1996 Донишгоҳи озоди Тоҷикистон, соли 2003 Донишгоҳи давлатии Хуҷанд ва соли 2005 Академияи хизмати давлатии назди Президенти Федератсияи Россияро бо ихтисосҳои байтор, ҳуқуқшинос, филолог ва менедҷер дар соҳаи идоракунии давлатӣ бо дипломҳои аъло хатм кардааст.
  • 28 сол собиқаи кории касбӣ дошта, дар мансабҳои котиби аввали комитети комсомоли шаҳри Панҷакент, раиси Шӯрои Созмони ҷавонони Тоҷикистон дар шаҳри Панҷакент, муовини раиси шаҳри Панҷакент ва муовини раиси вилояти Суғд фаъолият намудааст.
  • Солҳои 2004-2008 Муовини Сарвазири Ҷумҳурии Тоҷикистон ва солҳои 2008-2010 Раиси Кумитаи кор бо занон ва оилаи назди Ҳукумати Ҷумҳурии Тоҷикистон кор кардааст.
  • Аз марти соли 2010 то имрӯз Раиси Кумита оид ба масъалаҳои иҷтимоӣ, оила ва ҳифзи сиҳатии Маҷлиси намояндагони Маҷлиси Олии Ҷумҳурии Тоҷикистон мебошад.
  • Ҳамзамон мансаби муовини Раиси комиссияи байнипарлумонӣ дар шаҳри Санкт-Петербурги Федератсияи Россияро ба ӯҳда дорад.*
  • Бо забонҳои русӣ, англисӣ, туркӣ ва узбекӣ озодона ҳарф мезанад.
  • Оиладор, соҳиби 4 фарзанд мебошад.
  • 1 марти соли 2015 ҳамчун вакил ба Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ аз ҳисоби аъзои Ҳизби Халқии Демократии Тоҷикистон интихоб шудааст.[1]

Мукофот ва ҷоизаҳо[вироиш]

Дорандаи ордени "Шараф дараҷаи 1", Аълочии маорифи Ҷумҳурии Тоҷикистон, Аълочии фарҳанги Ҷумҳурии Тоҷикистон ва медали ҷашнии "20 - солагии Истиқлолияти давлатии Ҷумҳурии Тоҷикистон".[2]

Ҳамчунин нигаред[вироиш]

Вакили Маҷлиси намояндагони Маҷлиси Олии Ҷумҳурии Тоҷикистон

Сарчашма[вироиш]

  1. Хайринисо Юсуфӣ
  2. Номзадҳо ба вакилӣ ба Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ аз ҳисоби аъзои Ҳизби Халқии Демократии Тоҷикистон

Пайвандҳои беруна[вироиш]