Шарл де Голл

Мавод аз Википедиа — донишномаи озод
Jump to navigation Jump to search
Шарл де Голл
фр. Charles de Gaulle
General Charles de Gaulle in 1945.jpg
Blason président De Gaulle.svg
Таваллуд 22 ноябр 1890(1890-11-22)[1][2][3][…]
Даргузашт 9 ноябр 1970(1970-11-09)[1][3][4][…] (79 сол)
Мадфан
Ҷинс de Gaulle family[d]
Ном ҳангоми таваллуд фр. Charles André Joseph Marie de Gaulle
Падар Henri de Gaulle[d]
Модар Jeanne Maillot[d]
Ҳамсар Yvonne de Gaulle[d]
Фарзандон Anne de Gaulle[d], Philippe de Gaulle[d][5] ва Élisabeth de Gaulle[d]
Ҳизб
Таҳсилот
Эътиқод калисои католикӣ
Соядаст Charles de Gaulle Signature 2.svg
Ҷоизаҳо
Навъи артиш French Army[d] ва Free France[d]
Рутба генерали бригада[d]
Набардҳо
Commons-logo.svg Парвандаҳо дар Викианбор

Шарл Андре́ Жозе́ф Мари́ де Голл (фр. Charles André Joseph Marie de Gaulle; 22 ноябр 1890[1][2][3][…], Lille[d]9 ноябр 1970[1][3][4][…], Коломбе-ле-Дёз-Эглиз[d]) — ходими ҳарбӣ ва давлатии Фаронса, бунёдгузор ва нахустин Президенти Ҷумҳурии панҷум дар Фаронса (1958–69).

Зиндагинома[вироиш | вироиши манбаъ]

Хатмкардаи омӯзишгоҳи ҳарбии Сен-Сир (1912) ва мактаби олии ҳарбии Порис (1924). Дар Ҷанги якуми ҷаҳон иштирок намуда, дар муҳорибаи Верден (1916) ба дасти олмониҳо асир афтид. Баъди раҳоӣ аз асорат (1918) муддате дар омӯзишгоҳи гвардияи императории Лаҳистон дарс гуфта, пас аз он дар ҷанги байни Иттиҳоди Шӯравӣ ва Лаҳистон (1919–21) ширкат кард. Шарл де Голл якчанд асарҳои назариявии ҳарбӣ эҷод намуда, муҳим будани қувваҳои танкиро дар муҳориба таъкид намудааст. Котиби Шӯрои олии ҳарбии Кумитаи доимии мудофиаи миллии Фаронса (1932–36), фармондеҳи қисмҳои танкӣ дар Элзас (1939–40), ҳамзамон муовини вазири мудофиаи миллӣ (аз соли 1940). Пас аз таслимшавии Фаронса ба Британия рафта, ҳаракати «Фаронсаи озод»-ро созмон дод ва ҳамчун роҳбари он мардуми Фаронсаро барои мубориза бо олмониҳо даъват мекард. Бо ташаббуси Шарл де Голл қувваҳои мусаллаҳи «Фаронсаи озод» ташкил ёфтанд, ки аз охири соли 1940 бо артиши Британия дар муҳорибаҳои Шарқи Наздик ва Африқо иштирок намуданд. Аз ноябри 1943 роҳбари Кумитаи озодии миллии Фаронса (аз июни 1944 Ҳукумати муваққатии Ҷумҳурии Фаронса) буд. Декабри 1944 Шарл де Голл бо ИҶШС созишномаи иттиҳод ва ёрии ҳамдигарӣ имзо намуд. Пас аз он қувваҳои ҳарбии Фаронса дар амалиёти ҳарбӣ дар Итолиё ва озодкунии Фаронса (хусусан Порис) фаъолона ширкат карданд. Бо шарофати Шарл де Голл Фаронса пас аз Ҷанги дуввуми ҷаҳон мақоми давлатии ғолибро соҳиб шуда, яке аз муассисони СММ ва узви доимии Шӯрои Амнияти он гардид. Соли 1946 аз роҳбарии ҳукумат истеъфо дода, ҳизби Иттиҳоди халқи Фаронсаро таъсис дод (1947). Вале ин ҳизб натавонист ҳокимиятро ба даст орад, аз ин рӯ соли 1953 пароканда карда шуд ва Шарл де Голл аз сиёсат даст кашид. Буҳрони сиёсие, ки вобаста ба ҷанги Алҷазоир майи 1958 Фаронсаро фаро гирифт, аз нав Шарл де Голл-ро ба сари ҳокимият овард. Ӯ пас аз раъйпурсии умумихалқӣ ва қабули Конститутсия (январи 1959) Президенти Ҷумҳурии панҷум дар Фаронса интихоб шуд. Пас аз бори дуввум интихоб шудан ба мансаби президентӣ (1965) Шарл де Голл нақши ҳокимияти иҷроияро дар идоракунии давлат баланд бардошта, ба муътадил кардани муносибатҳои Фаронса бо собиқ мустамликаҳояш пардохт. Солҳои 1958–60 ӯ истиқлолияти 13 кишвари Африқоро, ки мустамликаи Фаронса буданд, эътироф намуда, тавонист дар аксари онҳо манфиатҳои иқтисодӣ ва ҳарбию сиёсии фаронсавиҳоро ҳифз намояд. Соли 1962 ба ҷанги Алҷазоир (соли 1954 оғоз ёфта буд) хотима дода, истиқлолияти ин кишварро эътироф намуд, ки боиси афзудани эътибори Фаронса гардид. Дар шароити муқовимати ду абарқудрат – ИМА ва ИҶШС Шарл де Голл сиёсати хориҷии барои манфиатҳои миллии Фаронса судмандро пеш гирифта, соли 1963 бо ҶФО созишномаи сулҳ имзо кард. Шарл де Голл дар сохтани сипари ҳастаии Фаронса (солҳои 60) нақши муҳим дошта, бо қарори ӯ соли 1966 Фаронса аз паймони НАТО хориҷ шуд ва тамоми пойгоҳҳои ҳарбии ИМА дар ҳудуди ин кишвар барҳам дода шуданд. Шарл де Голл яке аз ташаббускорони барқароркунии муносибатҳои муътадили Ғарб бо ИҶШС буд, аммо сиёсати иқтисодию иҷтимоии ӯ чандон муваффақ нашуда, хароҷоти зиёди ҳарбӣ ва мушкилии давлат дар таъмини рушди иқтисодӣ сабаби буҳрони сиёсӣ дар соли 1968 гардид. Шарл де Голл пас аз рад гардидани пешниҳоди ӯ дар хусуси раъйпурсӣ оид ба ислоҳоти сохтори маъмурӣ-ҳудудии Фаронса 28.4.1969 ба истеъфо рафт ва то охири умр ба эҷодкорӣ машғул гардид.

Сарчашма[вироиш | вироиши манбаъ]

  1. 1.0 1.1 1.2 1.3 Bibliothèque nationale de France идентификатор BNF (фр.): платформаи додаҳои боз — 2011.
  2. 2.0 2.1 Charles André Joseph Marie De gaulle (фр.)ministère de la Culture.
  3. 3.0 3.1 3.2 3.3 filmportal.de — 2005.
  4. 4.0 4.1 Энциклопедия Брокгауз (нем.)
  5. Lundy D. R. The Peerage (ингл.)