Ҳабибулло Неъматуллоев

Мавод аз Википедиа — донишномаи озод
Jump to navigation Jump to search
Ҳабибулло Неъматуллоев
Таърихи таваллуд: 1900(1900)
Зодгоҳ: Истаравшан, ҶШС Тоҷикистон
Фазои илмӣ: олим, омӯзгор

Ҳабибулло Неъматуллоев - (1900, Ӯротеппа - 1975, Душанбе) — омӯзгор яке аз иштирокдорони фаъоли сохтмони сотсиализм дар Тоҷикистон. Муаллими хизматнишондодаи ҶШС Тоҷикистон (1960). Курсҳои кӯтоҳмуддати муаллимтайёркунӣ (1919) ва бахши дар Тошканд будаи Донишгоҳи профессураи сурхро хатм кардааст (1937). Омӯзгори мактаби миёна, ҷонишини мудири шӯъбаи комсомоли вилоят (1919-1925), мудири шӯъбаи маорифи халқи в.Ӯротеппа, котиби масъули кумиҷроияи округ (1926-29), мудири шӯъбаи маорифи халқи округи Кӯлоб (1930). Солҳои 1937-1938 директори Донишкадаи олии омӯзгории Хуҷанд буд. Аз с.1938 то 1947 мансабҳои роҳбарикунандаро дар низоми Нашриёти давлатии Тоҷикистон ишғол кардааст. Вазири маорифи халқи ҶШС Тоҷикистон (1947-1954), ҷонишини вазири фарҳанги ҶШС Тоҷикистон, ҷонишни мудири шӯъбаи таблиғоту ташвиқоти КМ ҲК Тоҷикистон (1954-1960), сардори идораи бойгонии назди Шӯрои Вазирони ҶШС Тоҷикистон (1960-1974). Аз с.1974 дар нафақа. Депутати ШО ҶШС Тоҷикистон (даъватҳои 2,3). Бо ду ордени Байрақи Сурхи Меҳнат, ду ордени «Нишони Фахрӣ», медалҳо, ифтихорномаҳо мукофотонида шудааст.[1]

Адабиёт[вироиш]

А.Бобокалонов, Ҳ.Холҷӯраев, Ш.Шарипов. Роҳи пуршараф: Донишгоҳи давлатии Хуҷанд ба номи академик Бобоҷон Ғафуров 80 сол. – Хуҷанд: Нури маърифат, 2012. – 500 с.

Эзоҳ[вироиш]