Ҳазорчашма (кӯл)

Ҳазорчашма
Макон
Кишвар	Тоҷикистон
Минтақа	Вилояти Суғд

Ҳазорчашма — номи кӯл дар ноҳияи Панҷакенти вилояти Суғди Ҷумҳурии Тоҷикистон буда, дар нишебии шимолии қаторкӯҳи Ҳисор, дар водии қисми болооби дарёи Шинг шохоби рости дарёи Моғиён, ҳавзаи Зарафшон воқеъ гаштааст. Манбаи асосии кӯл оби дарёчаест, ки аз ин кӯл 2 км болотар аз Марғзор ҷорист.

Об ба дохили кули Ҳазорчашма аз ду тараф аз дарахти сурх ва Марғзор ҷорӣ мешавад. Эҳтимол аз сабаби сард будани об ғайр аз курмоҳи дигар намуди ҷонварони зериобӣ зиндагӣ карда наметавонанд. Ин кул дар дараи нисбатан васеъ ҷойгир аст. Ин аст, ки сокинони маҳаллаҳои поёни Оби ҳаёт, Сари сангпул, сойи Марғзор ин мавзеъро тобистони дароз — аммо ин ҷо он на он қадар дароз аст, ҳамчун чарогоҳ истифода мебаранд. Ҳатто оғилҳои худро дар ҳамин ҷо бунёд кардаанд. Кули Ҳазорчашма нисбат ба дигар кулҳо сабуру ором аст ва рангаш сиёҳчатоб мебошад. Ҳамин тавр ҳама кулро дидем. Таассурот олист. Аҷиб он ки аз Ҳафткӯл танҳо кули Марғзор ва Ҳазорчашма дар фасли дай ях мебанданд ва барои мардум ҳамчун пул хидмат мекунанд. Обдави ин кулҳо моро мутахаййир кард. Яъне аз кули 7-ум ба кули 6-ум об ба таври муқаррарӣ тавассути дара ҷорӣ мешавад. Кули 6-ум обрав надорад ва поёноби он гум мешавад оби он бо тайи замин ба кули 5-ум мерезад. Болои он мардум хона андохтаанд. Ва ин раванд то кули поёни айнан ҳамин хел идома меёбад.

Нигаред низ

• Ҳафткӯл
• Искандаркӯл