Ҷӯрахон Искандаров

Мавод аз Википедиа — донишномаи озод
Jump to navigation Jump to search
Ҷӯрахон Искандаров
Ҷӯрахон Искандаров
Санаи таваллуд

24 март, 1915

Зодгоҳ

ш. Конибодом

Санаи марг

1970

Касб(ҳо)

сароянда

Ҷӯрахон Искандаров — сароянда, Артисти хизматнишондодаи РСС Тоҷикистон (1942).

Зиндагинома[вироиш]

Ҳунари сознавозию овозхониро ибтидо дар зодгоҳаш омӯхта, муддате дар Ҳуҷанду Самарқанд аз Ҳоҷӣ Абдулазиз (1852-1936), Содирхони Ҳофиз (1847-1931) дарси овозхонӣ андӯхтааст. Ҷӯрахон Искандаров фаъолияташро ибтидо дар театри республикавии мазҳакаи мусиқӣ ш. Ленинобод (1938) оғоз намуда, сониян чун сарояндаи яккахони театри халқии Конибодом (1949-1951), сароянда-солисти Филармонияи давлатии РСС Тоҷикистон (1956-1964) ҳунарнамоӣ кардааст. Ӯ баъди таъсис ёфтани дастаи мақомхонон (1964) дар назди Комитети давлатии радиошунавонӣ ва телевизиони РСС Тоҷикистон фаъолияти иҷроияшро дар ин даста идома дода, таҳти сарварии устодони мусиқӣ Шоҳназар Соҳибов (1903-1972), Фазлиддин Шаҳобов (1911-1974) санъати мақомхониро омӯхта, дар иҷрои шохаҳои ҷудогонаи овозӣ, «Қашқарчаи Содирхон», «Соқиномаи Ироқи Бухоро», «Муғулчаи Сегоҳ», «Савти Сабо», «Бозургонӣ», иҷрои дастаҷамъии «Шашмақом» маҳорати хуби иҷроӣ ба харҷ додааст. Ҷӯрахон Искандаров иштирокдори даҳаҳои адабиёт ва ҳунари тоҷик ш. Москва (1941, 1957) буда, барои хидмат ва маҳорати баланди иҷроияш бо тақдирномаю ифтихорномаҳои Президиуми Совети Олии РСС Тоҷикистон сарфароз гардидааст.

Адабиёт[вироиш]

  • Энциклопедияи Советии тоҷик, ҷ.2. - Душанбе, 1978.
  • Энциклопедияи адабиёт ва санъати тоҷик, ҷ.1, Душанбе, 1988.[1]

Ҳамчунин нигаред[вироиш]

Сарчашма[вироиш]

  1. Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 87 ISBN 978-99947-49-13-3