Асалбегим Саодатова

Асалбегим Саодатова
Асалбегим Саодатова
	Асал Саодатова
Таърихи таваллуд:	4 ноябр 1950
Зодгоҳ:	ноҳияи Рӯшон, Вилояти мухтори Кӯҳистони Бадахшон, ИҶШС;
Таърихи даргузашт	4 апрел 2021 (70 сол)
Маҳалли марг:	Душанбе, Тоҷикистон;
Шаҳрвандӣ:	ИҶШС; Тоҷикистон;
Касб:	ҳунарпешаи театр, бозигари синамо
Ҷоизаҳо:	Ҳунарпешаи халқии Тоҷикистон (2008) Ҳунарпешаи шоистаи Тоҷикистон (1997)
IMDb:	ID 7878386

Асалбегим Саодатова (4 ноябри 1950^[1], ноҳияи Рӯшон, ВАКБ, ҶШС ТОҷикистон — 4 апрели 2021, Душанбе, Тоҷикистон) — ҳунарпешаи театр ва синамои тоҷик. Ҳунарпешаи шоистаи Тоҷикистон (1997), Ҳунарпешаи халқии Тоҷикистон (2008).

Зиндагинома

Асалбегим Саодатова 4 ноябри соли 1950 дар ноҳияи Рӯшон ба дунё омадааст. Дар соли 1971 пас аз хатми Донишкадаи давлатии санъати театрии шаҳри Москва, ба номи А. В. Луначарский ба ватан омада дар қатори бунёдгузорони Театри Ҷавонон буд. Миёни алоқамандон бештар бо нақши «Аҷузкампир» аз намоишномаи телевизионии «Алифбоҷон, Алифбо!» машҳур буд.

Фаъолият

Театр

Фаъолияташ пурра дар Театри давлатии ҷавонони Тоҷикистон гузаштааст. Тӯли беш аз чор даҳсола дар спектаклҳои зиёд нақш бозида, қаҳрамонҳоеро рӯи саҳна овард, ки аз лиҳози хислат, хулқу атвор, ҷаҳонбинию ҷаҳонфаҳмӣ ва идроки моҳияти зиндагӣ аз ҳам тафовут доранд, вале умумияташон самимӣ офариданашон аст. «Робиаи Балхӣ», «Табиби зӯракӣ», «Тангои ҷиноятӣ», «Модар меояд», «Муаллими рақс», «Ситораи роҳнамо», «Илоҷи беилоҷӣ ҳаст», «Суруди зиндагӣ», «Алафҳои бегона», «Ҳукм», «Донаки сеҳрнок», «Фолбин», «Дар ҷустуҷӯи бахт», «Кулбаи хонум Зоя» шаммае аз онҳоанд. Дар саҳначаю намоишномаҳои телевизионӣ низ ҳунар нишон додааст.

Синамо

Дар филми «Асрори оилаи Ғаюровҳо» (1975) нақши хоҳар Ғаюрова Руқия Воҳидовнаро бозидааст^[2].

Даргузашт

Асалбегим Саодатова 4 апрели соли 2021 дар шаҳри Душанбе дар синни 70-солагӣ даргузашт^[3].

Эзоҳ

↑ Ҷашнҳои рӯзи 4 ноябр дар Тоҷикистон ва ҷаҳон(тоҷ.). Sputnik Tajik. 5 апрели 2021 санҷида шуд.
↑ Асал Саодатова / Асал Саодатова | E-Kino. e-kino.com.ua. 5 апрели 2021 санҷида шуд.(пайванди дастнорас)
↑ Даргузашти ҳунарпешаи маъруф Асалбегим Саодатова. Asia-Plus (5 апрели 2021).

Адабиёт

Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.

Пайвандҳо

Асал Саодатова(англ.) дар вебгоҳи Internet Movie Database
Беназир Давлатова. Асалбегим Саодатова: “Ман туро мехӯрам”. bonuvon.tj. Бонувони Тоҷикистон (3 марти 2018). 5 апрели 2021 санҷида шуд.

[1] Ҷашнҳои рӯзи 4 ноябр дар Тоҷикистон ва ҷаҳон(тоҷ.). Sputnik Tajik. 5 апрели 2021 санҷида шуд.

[2] Асал Саодатова / Асал Саодатова | E-Kino. e-kino.com.ua. 5 апрели 2021 санҷида шуд.(пайванди дастнорас)

[3] Даргузашти ҳунарпешаи маъруф Асалбегим Саодатова. Asia-Plus (5 апрели 2021).

[1]

[2]

[3]