Иморат

Имора́т (аз ар. أمیر‎ — амрдиҳанда, фармондиҳанда, ҳукмраво), Аморат — мулк ё давлат дар мамолики исломии Осиё ва Африка, ичунин мавзеъҳои мусулмоннишини таърихии Европа, мас., Аморати Кордова (756—929) ва Аморати Гранада (1228—1492) дар Испания, Аморати Барӣ (847—871) ва Аморати Ситсилия (965—1072) дар Италия, Аморати Тбилисӣ (736—1122), ки амир (ҳокими мутлақи маврусӣ) идора мекард. Сараввал Аморатҳо дар хилофати Араб ба вуҷуд омаданд ва ҳокимонашонро халифа таъйин мекард. Бино ба таълимоти динӣ, ҳокимияти динӣ — имомат ва ҳокимияти сиёсӣ — Аморат ягона буда, ҷудоӣ надоранд. Яъне халифаҳо — «амир-ал-мӯъминин» (ниг. Амиралмӯъминин) ҳокими ҳамаи мусулмонон мебошанд; 2) воҳиди тақсимоти маъмурӣ (вилоят) дар сохтори давлатҳои исломӣ (мас., Аморати Муттаҳидаи Араб, Арабистони Саудӣ).

Нигаред низ

• Аморати Бухоро
• Аморати Муттаҳидаи Араб

Сарчашма

• Аморат // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.