Вашан

Деҳа
Вашан
Кишвар	Тоҷикистон
Вилоят	Суғд
Ноҳия	Айнӣ
Таърих ва ҷуғрофиё
Минтақаи замонӣ	UTC+05:00
Аҳолӣ
Аҳолӣ	1201 тан (2013)
Миллият	тоҷикон
Эътиқодот	мусулмонони ҳанафимазҳаб
Забони расмӣ	тоҷикӣ
Шиносаҳои ададӣ
Пешшумораи телефон	+992 3479
Нишонаи почта	735520

Вашан — деҳа дар ҷамоати деҳоти Урметани ноҳияи Айнӣ. Аз Вашан то маркази ҷамоат 8 км, то маркази ноҳия 31 км; роҳ мошингард. Аҳолиаш 1201 нафар (2013), тоҷикон.

Иқтисод

Мактаби таҳсилоти миёнаи умумӣ, бунгоҳи тиббӣ, китобхона, клуб, нуқтаи хидмати маишӣ, 7 нуқтаи савдои хусусӣ ва масҷиди қадимӣ дорад. Соҳаҳои асосии хоҷагӣ: боғдорӣ ва зироаткорӣ. Заминҳо аз наҳри Вашан обёрӣ мешаванд.

Мардум

Аз сабаби дар мавзеи хавфнок воқеъ будани Вашан соли 2000 як қисми аҳолиаш (200 оила) ба ноҳияҳои Истаравшан ва Ғончӣ кӯчонида шуданд. Вашан калимаи суғдӣ буда, маънояш чарогоҳи хубу сероб аст.

Таърих

Мувофиқи ривоятҳо дар музофоти Бухоро шаҳре бо номи Ваш мавҷуд буда, мардумаш аслан ба карбосбофӣ машғул будаанд. Дар асри 13 ин шаҳр дар натиҷаи зилзила хароб гашта, аҳолиаш ба болооби дарёи Зарафшон мекӯчанд ва ба хотири шаҳри нобудгаштаашон мавзеи маскунии худро Вашан номгузорӣ мекунанд. Дар шаҳр Панҷакент мавҷуд будани маҳаллаи Вашаниён аз қадимӣ будани Вашан ва робитаи он бо аҳолии шаҳр шаҳодат медиҳад.

Ёдгориҳои таърихӣ

Аз ёдгориҳои таърихӣ дар мавзеъи Ҳадди Муллои Вашан мақбараи Мавлоно Фатҳуддин маҳфуз мебошад, ки зиёратгоҳи мардум аст.

Адабиёт

• Вашан // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.

• Тақсимоти маъмурии Ҷумҳурии Тоҷикистон — Д.: СИЭМТ, 2017. — 580 с. — ISBN 978-99947-33-68-2