Ёрмаҳмад Ниёзӣ

Мавод аз Википедиа — донишномаи озод
Ёрмаҳмад Ниёзӣ
Ниёзӣ Ёрмаҳмади Бобо
Таърихи таваллуд 20 май 1974(1974-05-20) (49 сол)
Зодгоҳ деҳаи Дарғ, ноҳияи Айнӣ, вилояти Ленинобод
Кишвар  Тоҷикистон
Фазои илмӣ фалсафа ва арабшиносӣ
Ҷойҳои кор Институти омӯзиши масъалаҳои давлатҳои Осиё ва Аврупо
Дараҷаи илмӣ: доктори илмҳои фалсафа
Унвонҳои илмӣ дотсент
Алма-матер Донишгоҳи миллии Тоҷикистон
Роҳбари илмӣ академик Мусо Диноршоев

Ёрмаҳмад Ниёзӣ (Ниёзӣ Ёрмаҳмади Бобо; 20 майи 1974, деҳаи Дарғ, ноҳияи Айнӣ, вилояти Ленинобод) — омӯзгор, файласуф, арабшинос, дотсент (2015), доктори илмҳои фалсафа (2020).

Зиндагинома[вироиш | вироиши манбаъ]

Ёрмаҳмад Ниёзӣ таърихи 20 майи соли 1974 дар деҳаи Дарғи ноҳияи Айнии вилояти Суғд ба дунё омада, соли 1986 ба ноҳияи Зафаробод кӯч бастааст. Соли 1991 ба факултети педагогикаи Донишгоҳи омӯзгории Душанбе ба номи Т. Г. Шевченко дохил шуда, соли 1999 факултети шарқшиносии ДМТро хатм намудааст. Давоми солҳои 20002003 дар риштаи аспирантураи Пажӯҳишгоҳи фалсафа, сиёсатшиносӣ ва ҳуқуқи ба номи А.М. Баҳоваддинови АИ ҶТ ба корҳои илмию тадқиқотӣ мағул гардидааст. Ниёзӣ Ё. Б. соли 2010 рисолаи номзадии худро дифоъ намуда, сазовори унвони илмии номзади илмҳои фалсафа мегардад. Соли 2020 ӯ рисолаи докторӣ дифоъ шудааст[1].

Фаъолияти омӯзгорӣ[вироиш | вироиши манбаъ]

Дотсент Ниёзӣ Ё. Б. яке аз ташаббускорони кушодашавии кафедраи нав — фанҳои гуманитарӣ ва рушди шахсият дар Донишгоҳи технологии Тоҷикистон мебошад. Ӯ солҳои 20082014 сарварии кафедраи номбурдаро бар уҳда дошт. Аз соли 2015 то соли 2017 дар вазифаи директори Маркази омӯзиши равандҳои муосир ва оянданигарии илмии АИ ҶТ фаъолият кардааст. Аз таърихи 17 марти соли 2017 бо Фармони Президенти Ҷумҳурии Тоҷикистон директори Институти омӯзиши масъалаҳои давлатҳои Осиё ва Аврупо таъйин карда шудааст.

Фаъолияти илмӣ[вироиш | вироиши манбаъ]

Муҳимтарин дастоварди Ниёзӣ Ё. Б. ба таърихи фалсафаи тоҷик (фалсафаи калом, фалсафаи тасаввуф, фалсафаи асҳоби ҳаюло ва ҳоказо), фалсафаи Ибни Сино, таснифоти улум дар таърихи фалсафа бахшида шудаанд. Дар ин самт ӯ беш аз 200 монография, китоб, мақола ва фишурдаҳо ба нашр расонидааст.

Ниёзӣ Ё. Б. забонҳои русӣ, арабӣ ва форсиро хуб медонад ва ба ин забонҳо эҷод менамояд.

Сафарҳои хориҷа[вироиш | вироиши манбаъ]

Барои омӯзиш ва пажӯҳиши масоили мухталифи фалсафа ва ҷомеа ба кишварҳои Россия, Эрон, Афғонистон ва ғайра сафарҳои илмӣ анҷом додааст.

Осор[вироиш | вироиши манбаъ]

  • Назари муҳаққиқони муосири араб ба фалсафаи Ибни Сино. — Душанбе, 2008.

Эзоҳ[вироиш | вироиши манбаъ]

  1. Ниёзӣ Ёрмаҳмад Бобо. ТАСНИФОТИ ИЛМ ДАР ФАЛСАФАИ МАШШОИЯИ ШАРҚӢ ВА ТАЪСИРИ ОН ДАР ТАСНИФОТИ МУОСИРИ ИЛМ Бойгонӣ шудааст 24 сентябри 2021  сол.. ДИССЕРТАТСИЯ барои дарёфти дараҷаи илмии доктори илмҳои фалсафа аз рӯи ихтисоси 09.00.03.-таърихи фалсафа. Душанбе, 2020

Сарчашма[вироиш | вироиши манбаъ]

  • Ҷаҳонбинии оянда ва бархурди андешаҳо. / Мураттибон: Номвар Қурбон, Фирдавс Ниёзӣ. — Душанбе: Дониш, 2015. — 701 с. ISBN 978-99947-821-3-0
  • Файласуфи зиндагӣ./ Мураттибон: Номвар Қурбон, Абдуламини Маҷнун. — Душанбе: Дониш, 2015. — 84 с.