Абдулло Табарӣ

Абдулло Табарӣ
Табарӣ Абдулло Ҳабибулло
Таърихи таваллуд:	11 феврал 1963(1963-02-11) (62 сол)
Зодгоҳ:	ноҳияи Ҳамадонӣ, ҶШС Тоҷикистон, ИҶШС
Шаҳрвандӣ:	Тоҷикистон
Таҳсилот:	Донишкадаи давлатии Кӯлоб ба номи Абӯабдуллоҳ Рӯдакӣ, 1985
Дараҷаи илмӣ:	доктори илмҳои физика ва математика
Унвонҳои илмӣ:	профессор
Ҳизб:	Ҳизби халқии демократии Тоҷикистон
Навъи фаъолият:	вакили Маҷлиси намояндагони Маҷлиси Олии Ҷумҳурии Тоҷикистон

Табарӣ Абдулло Ҳабибулло — олим, доктори илмҳои физика ва математика, профессор, вакили Маҷлиси намояндагони Маҷлиси Олии Ҷумҳурии Тоҷикистон.

Зиндагинома

Табарӣ Абдулло Ҳабибулло 11 феврали соли 1963 дар ноҳияи Ҳамадонӣ таваллуд шудааст. Миллат тоҷик. Соли 1985 Донишкадаи давлатии Кӯлоб ба номи Абӯабдуллоҳ Рӯдакӣро хатм кардааст. Ихтисос математик-физик. Доктори илмҳои физика ва математика, профессор. Бо ҷоизаи баноми Исмоили Сомонӣ барои олимони ҷавон (соли 1998) мукофотонида шудааст

• 1980—1985 — донишҷӯи Донишкадаи давлатии Кӯлоб
• 1985—1987 — Хидмат дар сафи Қувваҳои мусаллаҳи Иттиҳоди Шӯравӣ, шаҳри Горький.
• 1988—1989 — Коромӯзи Институти математикаи Академияи илмҳои Молдова, шаҳри Кишинёв.
• 1989—1992 — Аспиранти Институти математикаи Аакадемияи илмҳои Молдова, шаҳри Кишинёв.
• 1993—1995 — Муаллими калони кафедраи алгебра ва назарияи ададҳои Донишгоҳи давлатии Кӯлоб.
• 1996—1999 — Докторанти кафедраи алгебра ва назарияи ададҳои Донишгоҳи миллии Тоҷикистон, шаҳри Душанбе.
• 1999—2002 — Сардори Идораи ҷавонони эҷодкор, донишҷӯён ва хонандагони Кумитаи кор бо ҷавонони назди Ҳукумати Ҷумҳурии Тоҷикистон, шаҳри Душанбе.
• 2002—2006 — Мудири кафедраи математика ва информатикаи Донишкадаи андоз ва ҳуқуқи Тоҷикистон, ш. Душанбе.
• 2006—2010 — Дотсенти кафедраи математикаи олии Донишгоҳи миллии Тоҷикистон, шаҳри Душанбе.
• 2010—2011 — Мудири шуъбаи математикаи Институти илмҳои таҳқиқотии Донишгоҳи миллии Тоҷикистон.
• 2011—2012 — Мудири кафедраи математикаи олии Донишгоҳи миллии Тоҷикистон.
• 2012—2020 — Ректори Донишгоҳи давлатии Кӯлоб ба номи Абӯабдуллоҳ Рӯдакӣ.

1 марти соли 2020 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст

Нигаред низ

• Вакили Маҷлиси намояндагони Маҷлиси Олии Ҷумҳурии Тоҷикистон