Абрикосов Алексей Алексеевич

Абрикосов Алексей Алексеевич
русӣ: Алексей Алексеевич Абрикосов
Таърихи таваллуд	25 июн 1928(1928-06-25)
Зодгоҳ	шаҳри Маскав
Таърихи даргузашт	29 март 2017(2017-03-29) (88 сол)
Маҳалли даргузашт	Palo Alto[d], шаҳристони Санта-Клара[d], Калифорния, Иёлоти Муттаҳидаи Амрико
Кишвар	Русия  Иёлоти Муттаҳидаи Амрико  ИҶШС
Фазои илмӣ	олим
Ҷойҳои кор	Донишгоҳи давлатии Маскав N. I. Lobachevsky State University of Nizhny Novgorod[d] Донишкадаи физика ва техникии Маскав[d] National University of Science and Technology[d] P.L. Kapitza Institute for Physical Problems RAS[d] Landau Institute for Theoretical Physics[d] Institute for High Pressure Physics[d] University of Illinois Urbana–Champaign[d] Utah State University[d] Донишгоҳи Луфборо University of Illinois at Chicago[d] Донишгоҳи давлатии техникии Маскав ба номи Н. Э. Бауман[d]
Дараҷаи илмӣ:	доктори илмҳои физика ва метематика[d] (1955)
Алма-матер	факултети физикаи ДДМ[d] Академияи илмҳои Русия[d]
Роҳбари илмӣ	Ландау, Лев Давидович
Ҷоизаҳо	Fritz London Award[d] (1972) Landau Gold Medal[d] (1989)
Парвандаҳо дар Викианбор

Абрикосов Алексей Алексеевич — олим, олими соҳаи физика, дорандаи Ҷоизаи Нобел (2003), академики АИ Россия, доктори илмҳои физика ва математика(1955).академики АИ СССР (1987), узви АИ миллии ИМА, узви хориҷии Ҷамъияти шоҳии Лондон (2001), узви фахрии хориҷии Академияи илму санъати Америка (1991) мебошад.

Зиндагинома

Абрикосов Алексей Алексеевич 25 июни соли 1928 дар шаҳри Маскав ба дунё омадааст. Ӯ физики рус буда, дар Пажӯҳишгоҳи масъалаҳои илми рисолаи ном­задӣ (1951) ва рисолаи докторӣ (1955) дифоъ кардааст. Ӯ соли 1965 сарвари факултаи физика назариявии муҳитҳои яклухт таъйин мешавад. Солҳои 1976 – 1991 мудирии кафедраи физикаи назариявии Институти давлатии пӯлод ва хӯлаҳои шаҳри Маскавро бар зимма дошт. Соли 1991 бо даъвати Лабораторияи миллии Аргонн (иёлоти Иллинойс) ба ИМА меравад.

Эҷодиёт

Асарҳои илмии Абрикосов А.А. асосан ба фавқунноқилҳои навъи дуюм бахшида шудаанд. Ин намуди фавқунноқилҳо хосияти худро ҳатто дар майдони магнитии пурқувват (то 25Тл) нигоҳ медоранд. Олим Абрикосов А. собит намуд, ки ин ҳодиса дар натиҷаи пайдошавии панҷараи доимии хатҳои магнитӣ, ки бо ҷараёнҳои ҳалқавӣ иҳота шудаанд, ба амал меояд. Чунин сохтор «панҷараи гирдбод-шакли Абрикосов» номида шудааст. Ӯ инчунин бо масъалаҳои электродинамикаи энергияҳои баланд, фавқунноқилият, ҳароратҳои паст, назарияи фавқуш­шороӣ ва ноқилҳо низ машғул шудааст. Соли 2003 ҳамроҳи В. Л. Гинзбург ва Э. Леггет барои «Корҳои асосӣ оид ба назарияи фавқунноқилҳо ва моеъҳои фавқушшоро» сазовори Ҷоизаи Нобел гардид.

Осор

• Методы квантовой теории поля в статистической физике, М., 1961;
• Methods of Quantum Field Theory in Statistical Physics Englewood Cliffs: Prentice Hall, 1963;
• Основы теории металлов, М., 1987.

Ҷоизаҳо

• Ҷоизаи Ленинӣ (1966);
• Ҷоизаи давлатии СССР (1982);
• Ҷоизаи ба номи Ландау (1989);
• Ҷоизаи ба номи Ҷон Бардин (1991)
• Ҷоизаи Нобел (2003).