Адриана Кампос
| исп. Adriana Campos | |
.jpg) | |
| Ном ба ҳангоми таваллуд: | Adriana Campos López |
| Таърихи таваллуд: | 27 феврал 1979 |
| Зодгоҳ: | Чапарал, Толима, Колумбия[1] |
| Таърихи даргузашт | 3 ноябр 2015 (36 сол) |
| Маҳалли марг: | Салгар, Антиокия, Колумбия[2] |
| Шаҳрвандӣ: |
 Колумбия |
| Касб: | ҳунарпеша |
| Корнома: | 2000-2015 |
| IMDb: | ID 0133189 |
 Парвандаҳо дар Викианбор | |
Адриана Кампос Лопез (исп. Adriana Campos López; 27 феврал 1979 Чапарал, Толима, Колумбия — 3 ноябр 2015 Салгар, Антиокия, Колумбия) — ҳунарпешаи театр, синамо ва телевизиони колумбӣ. Адриана бисёртар дар силсилафилмҳои телевизионҳои RCN Television, Caracol Televisión ва Telemundo кор кардааст.
Зиндагинома[вироиш | вироиши манбаъ]
Адриана Кампос 27 феврали соли 1979 дар шаҳри хурди Чапаралл, дар ҷанубу ғарби пойтахти Колумбия шаҳри Богота таваллуд шудааст. Дар синни ҳаштсолагӣ ӯ ба мактаби рақс рафта, орзуи раққосаи касбӣ шуданро дошт. Волидон ба интихоби ӯ зид набуданд. Пас аз хатми мактаби миёна, Адриана барои таҳсил дар донишгоҳ ба Богота кӯч баст.
Адриана Кампос солҳои охир кор намекар. Ӯ тамоми вақти холии худро ба нигоҳубини писараш сарф кард. «Модарӣ - ин туҳфаи беҳтарини ман аз ҷониби Худо аст», - иқрор шуда буд ӯ.
Фаъолият[вироиш | вироиши манбаъ]
Рӯзе ӯ тасодуфан ба студияи филм ворид шуд, ки дар он лаҳза банаворгирии силсилафилми машҳури колумбӣ "Padres e hicos" мерафт. Ӯро коргардон мушоҳида намуда аз ӯ хоҳиш намуд то аз санҷиш гузарад. Кампос, ки қаблан дар саҳна баромад намекард, аз кастинг бомуваффақият гузашт ва нақши камеоиро ба даст овард. Пас аз он ӯро ба якчанд намоишномаҳо даъват намуданд. Ҳамин тавр, ӯ дар теленовелаи "Зорро: шамшер ва садбарг" бо Кристиан Мейер, Марлене Фавела, Андреа Лопез ва Наташа Клаусс нақш бозидааст - он дар бисёр кишварҳо бомуваффақият ба навор гузошта шуд.
Соли 2004 ӯ барои нақши дуюмдараҷа Маргарита дар теленовелаи "Te voy a enseñar a querer" (Дӯст доштанро ба ту меомӯзад) даъват шудааст, ки бо ҳунарпешаҳои машҳур Данна Гарсия, Мигел Варонӣ, Мишел Браун, Катрин Сиачоке ва Мартин Карпан нақш бозидааст. Иҷрои ӯ баҳои баланд гирифт. Ӯ соли 2009 дар теленовелаи машҳур "Тилисми зебо" (исп. Bella Calamidades) нақши Пересило Кордоноро иҷро намудааст, ки машҳурияти Адриана марзи Амрикои Лотиниро убур намуд. Дар ин силсилафилми ӯ инчунин дар қатори Данна Гарсия, Сегундо Сернадас, Кэтӣ Барберӣ ва Мария Ҳелено Доеринг ҳунарнамоӣ намудааст
Ҳарчанд Адриана нақшҳои марказиро набозида бошад ҳам, дар мамлакатҳои Амрикои Лотинӣ машҳурияти бузурге дошт.
Ӯ ду маротиба дар маросими ҷоизасупории TVyNovelas дар номинатсияи" Беҳтарин ҳунарпеша дар нақши дуюмдараҷа" барои нақшҳо дар теленовелаҳои "Ҳамсоягҳо" (исп. Vecinos) ва "Тилисми зебо" (исп. Bella Calamidades) пешниҳод шудааст.
Ҳаёти шахсӣ[вироиш | вироиши манбаъ]
Адриана соли 2010 якчанд муддат бо ҳунарпеша Маурисио Очманн муносибати ошиқона дошт, аммо муносибати онҳо дер давом накард. Ӯ бо соҳибкор Карлос Ринкон номзадӣ намуд. Соли моҳи августи 2014 Адриана барои таваллуди писараш Ҷеронимо ба рухсатӣ баромадааст[3]. Адриана як хоҳар Лилиана дорад [4].
Вафот[вироиш | вироиши манбаъ]
3 ноябр 2015 Адриана бо номзадаш Карлос ба садамаи нақлиётӣ дучор шуда ба ҳалокат расидаанд, ки ӯ 36 сол дошт[4]. Ҳангоми ҳодиса онҳо аз шаҳри Меделин бар мегаштанд ва нақлиётро номзади ӯ Карлос идора менамуд, ки ҳангоми ҳаракат аз уҳдаи идораи нақлиёт набаромада ба дарёи Каука меафтанд[5]. Ин ҷуфт ба шаҳр барои анҷоми якчанд корҳои пеш аз маросими туяшон рафта буданд, хушбахтона кудакашон ҳамроҳашон набуд.
Филмнома[вироиш | вироиши манбаъ]
| Сол | Номгӯй | Нақш | Шарҳҳо |
|---|---|---|---|
| 2000 | Se armó la gorda | Лусия Галан | Нақши дебютӣ дар силсилафилмҳо |
| 2000 | A donde va Soledad | Марина Рестрепо | |
| 2001 | El inútil | Ҷекӣ Руиз | |
| 2004 | Te voy a enseñar a querer | Маргарита Анҷелес | |
| 2006 | Amores de mercado | Мириам "Мирӣ" Мендизабел | |
| 2007 | El Zorro, la espada y la rosa | Юмалай / Тойпурния Реҷино | |
| 2007 | Madre Luna | Зулма Морено | |
| 2007 | Victoria | Пенелопе | |
| 2008 | Tiempo final | Мара | Мавсими 1,қисми 11 |
| 2008 | Vecinos | Николе | |
| 2008 | Padres e hijos | ||
| 2009 | Sin retorno | Электра | Қисмати: "El último Show" |
| 2009 | Bella Calamidades (Тоҷикистон Тилисми зебо) | Пересило Кордоно | |
| 2011 | Padre desalmado | Соро | |
| 2011 | Postales Colombian as | Марина | |
| 2011 | Esto está que arde | Кларисса | |
| 2012-2013 | Casa de reinas | Медселина Мерлано | |
| 2013 | Amo de casa | Янет Камачо | |
| 2015 | La tusa | Лусия Мартинез |
Филмҳо[вироиш | вироиши манбаъ]
- 2011: Postales colombianas Фанни[6].
- 2006: La boda del gringo Клаудия
Театр[вироиш | вироиши манбаъ]
Ҷоизаҳо[вироиш | вироиши манбаъ]
- 2008: Беҳтарин ҳунарпешаи дуюмдараҷа Vecinos.
- 2010: Беҳтарин ҳунарпешаи дар нақши бадхоҳ Bella Calamidades.
Эзоҳ[вироиш | вироиши манбаъ]
- ↑ https://m.imdb.com/name/nm0133189/
- ↑ Falleció la actriz Adriana Campos en un accidente automovilístico (Spanish). elheraldo.co. 5 ноябри 2015 санҷида шуд.
- ↑ «Adriana Campos: "Ser mamá no es tan fácil, pero todo lo compensa el amor"» Бойгонӣ шудааст 25 феврали 2018 сол., vídeo del 31 de octubre de 2014 en el sitio web Noticias RCN (Colombia)
- ↑ 4.0 4.1 «Adriana Campos muere en un tragico accidente»
- ↑ En accidente de tránsito muere la actriz Adriana Campos y su esposo Carlos Rincón (Spanish). elmundo.com. 5 ноябри 2015 санҷида шуд. Баргирифта аз сарчашмаи аввал 26 октябри 2017.
- ↑ «Postales colombianas», sitio web de la película de 2011.
 | |
|---|---|
| Таборшиносӣ ва некрополистика |
- Шахсиятҳо аз рӯи алифбо
- Зодагони 27 феврал
- Зодагони соли 1979
- Зодагони Чапарал
- Даргузаштагони 3 ноябр
- Даргузаштагони соли 2015
- Даргузаштагони Салгар
- Ҳунарпешаҳо аз рӯи алифбо
- Ҳунарпешазанҳои синамои Испониё ва Амрикои Лотинӣ
- Ҳунарпешазанони асри ХХI
- Ҳунарпешазанҳои синамои Колумбия
- Ҳунарпешазанҳои телевизиони Колумбия
- Ҳунарпешазанҳои театри Колумбия